Odon, évêque de Bayeux, donne à Saint-Bénigne de Dijon le monastère de Saint-Vigor-le-Grand au mont Chrismat, près de Bayeux, et ordonne que sa sépulture, celle de ses successeurs et celle des chanoines de sa cathédrale se feront à l'intérieur du monastère. Robert, duc de Normandie, qui renouvelle ses donations confirme l'acte.

l.1 IN NOMINE SANCTȨ ET INDIVIDUȨ TRINITATIS. Ego Odo Baiocensis episcopus, cogitans peccatorum meorum immanitatem, perpendens etiam
l.2 districti judicis de actibus meis discussionem, pro remedio animȩ meȩ et parentum meorum, et pro requie episcoporum hujus sanctȩ sedis Baiocensis, et
l.3 canonicorum qui dormierunt, qui sunt, et qui futuri sunt, do Deo et sancto Benigno, Jerentoni abbati Divionensi et successoribus ejus, et fratribus ȩcclesiȩ
l.4 ejusdem Divionensis, futuris et presentibus, monasterium sancti Vigoris de monte Crismatis, cum appendiciis suis, videlicet
l.5 plenam decimam totius villȩ in qua monasterium situm est, et omnium ad eandem villam pertinentium, et quidquid ad ȩcclesiam quȩibi erat
l.6 prius pertinebat, et preterea medietatem totius ejusdem villȩ, tam in hominibus et territorio quam in ceteris reditibus, et IIIIor burgenses
l.7 duos in campo Florido, et duos ad pontem Olberti cum terra et consuetudinibus eorum, et plenam decimam de Tor cum terra quȩ ad ȩcclesiam pertinet
l.8 et terra presbiteri, et ȩcclesiam de Cruisseio et de Olferes et de Colgrino cum plenis decimis et terris quȩ ad ipsas ȩcclesias pertinent, et terram
l.9 presbiterorum, et plenam decimam de tota Crycha villa cum terra presbiteri eaque quȩ ad ȩcclesiam pertinent. Hȩc, et quidquid monachi deinceps juste
l.10 adquisierint, dono, trado, laudo, et concedo ȩcclesiȩ Divionensi, assensu et laude canonicorum et fidelium nostrorum, salva reve-
l.11-rentia et debita obedientia sanctȩ Baiocensis matris ȩcclesiȩ. Constituo etiam ibidem fieri sepulturam corporis mei et successorum
l.12 meorum, et canonicorum, ritu sempiterno, laude eorumdem canonicorum. Quod si Deo annuente adeo creverit locus ipse ut abbas ibidem
l.13 juste possit constitui, videlicet ut tanti sint reditus qui hoc debeant et possint pati, et Baiocensis episcopus cum abbate Divionensi id communiter
l.14 tractaverint, et judicaverint expedire, abbas Divionensis de suis in capitolio Divionensi ȩlectionem faciet, et personam ȩlectam
l.15 assignabit episcopo. Qui cum ordinatus fuerit, sub abbate erit, et eandem postestatem quam primo in eodem monasterio abbas predictus
l.16 habebit. Istud sane donum laude et assensu domini mei comitis Normanniȩ Rotberti confirmatum est, qui et dedit
l.17 eidem monasterio sancti Vigoris plenariam libertatem, videlicet omnes consuetudines per terram suam quȩ ad eum pertinebant de dominicis suis
l.18 rebus tam in passagio et theloneo quam in ceteris redditibus, et exitibus, et de suo proprio in cotidiano usu fratrum ibidem Deo servientium, onera
l.19 IIIIor asinorum de viridi ligno in nemore suo Verneio, et quisquis de terra sua aliquid de suo prefato monasterio traderet, id sibi ratum
l.20 fore concessit, ne occasione juris sui, ullo modo posset revocari, et ut monasterium idem ȩcclesia Divionensis possideret jure sempiterno.
l.21 Quisquis igitur chartam hanc donationis infringere temptaverit, ira Dei veniat super eum. Deleatur de libro viventium, et cum justis non scribatur,
l.22 et sit anathema maranatha usque in diem Domini, nisi resipuerit. Qui autem ita laudaverit et fidelis cooperator accesserit, pax super
l.23 illum et benedictio usque dum videat Deum deorum in Syon. Et ut hec cartha firma et inconvulsa permaneat, sigilli nostri impressione eam fir-
l.24-mavi, et testibus corroborandam tradidi. Ego ODO BAIOCENSIS episcopus, hanc chartam lectam et perlectam confirmo et subscribo.
l.25 Signum Roberti nobilissimi comitis Normanniȩ. Signum Vuillemi decani. S. Rodulfi archidiaconi. S. Helgodi archidiaconi. [croix] [croix].
l.26 Signum Roberti de Tribus Montibus. S. Vuillemi de Archis monachi. S. Engelranni filii Herberti.
l.27 Signum Vuillemi de Bretulio. S. Vuillemi de Similiaco. Signum Vuillemi de Columberiis.
l.28 Anno ab incarnatione Domini MXCVIo, indictione IIIIa, concurrente VIIo, epacta XXaIIIa, XVIIIIo anno principatus
l.29 domni Roberti Vuillemi regis Anglorum filii, ducis Normanniȩ, hȩc cartha confirmata est,
l.30 et sigillo suo signata. Actum publice Baiocas mense maio
l.31 die XXIIII, VIIII kl. junii, luna XXVII.

Original apparent pour Chevrier et Chaume.