Gautier de Gissey[-sous-Flavigny] dote de plusieurs biens l'autel qu'il a fait construire dans l'église de Salmaise pour enfermer les reliques de saint Gilles.

l.1 IN NOMINE SANCTE, ET INDIVIDUE TRINITATIS. Notum sit omnibus
l.2 presentibus et futuris quodam tempore Walterium de Jusseio, pro remedio peccatorum suorum adisse
l.3 sanctum EGIDIUM, et exinde pro maxima devotione prefati sancti reliquias detulisse, in quarum
l.4 titulo et nomine in hac Sarmatiensi ȩcclesia fecit fieri altare. Et ne de predictis reliquiis alicui
l.5 esset dubietas, ad testimonium certȩ spei et bone credulitatis erga prefatas reliquias, procuravit
l.6 altare quod construxerat muneribus multis honorare, et specialiter molendino quod apud Bonam vallem
l.7 de sursum habebat dotare. Donavit etiam in dotalicio altaris usuarium silvȩ ad necessarios usus
l.8 molendini, et ad focum omnibus quandiu molerent convenientibus. Hoc vidit, laudavit, et confirmavit
l.9 Adilina uxor ipsius Walterii. TESTES: Humbertus et Tetbaldus fratres et domini hujus villȩ.
l.10 Ascherius prior hujus ȩcclesiȩ. Brunardus. Bernuinus. Girardus de Duisma. Oddo Rufus. Hugo Esperum.
l.11 Hugo Rufus. Raynerius prepositus. Gislerius. Vualterius de la Chalma. Alerius prepositus monachorum.
l.12 Bernardus. Vuitbaldus et Winibaldus filius ejus. Oldebertus ministralis ipsius Walterii.