Louis IV, roi des Francs, confirme les privilèges de l'abbaye Saint-Remi de Reims.

l.1 [chrisme] IN NOMINE SANCTAE ET INDIVIDUAE TRINITATIS, LODOVICUS, DIVINA ANNUENTE CLEMENTIA FRANCORUM REX, UNIVERSIS FIDELIBUS NOSTRIS TAM PRȨSENTIBUS SCILICET QUAM FUTURIS NOTUM FIERI VOLUMUS QUONIAM REGIAM CELSITUDINEM NOSTRAM REVERENDUS ABBAS HINCMARUS ATQUE SIBI SUBDITA BEATI PATRIS REMIGII MONACHORUM CONGREGATIO HUMILITER EXPETIERUNT QUATINUS IMMUNITATES
l.2 ab anterioribus Francorum regibus sacro loco concessas, ex rebus quas ecclesia jure quieto possidet, nostrȩ auctoritatis decreto concedere ac confirmare placeret. Quorum fideli voto libenter assensum prȩbentes, precipue pro ipsius beatissimi antisti-
l.3-tis familiari devotione, qui regali nostrȩ prosapiȩ, quam per Dei gratiam ad fidem perduxit catholicam, specialiter est a Deo collatus pastor atque patronus, fieri quod petebant concessimus, simulque hoc providere necessarium
l.4 duximus ut monachi ibidem sub regularis abbatis pastorali sollicitudine viventes absque ulla perturbationis inquietudine Deo in sanctitatis proposito libera securitate militarent atque ex nostrȩ benefitio lar-
l.5-gitatis, unde merito pro nobis filiorumque nostrorum incolumitate necnon et regni nostri prosperitate Deum exorare debuissent, haberent. Igitur, sicut mos est regum et ab antecessoribus nostris sepius dinoscitur fuisse consti-
l.6-tutum, regiȩ prȩceptionis auctoritate decernimus atque sanciendo constituimus ut in primis castrum in quo ipse beatismus pastor corpore quiescit omnino sit immune ac sub eorum solummodo ditione libere
l.7 constitutum, nullusque intra ejusdem girum castelli quamlibet judiciariam audeat exercere dominationem contra voluntatem ipsorum, sicut in privilegiis eorum prȩcedentes Francorum reges constituerunt,
l.8 quȩ et nos nostra clementia renovamus et confirmamus; simul etiam omnes ipsius sacri coenobii villȩ quas monachi libera firmitate ante possidebant, sive quoque illȩ quȩ postea ad tenendam sanctam religionem locique
l.9 restaurationem additȩ sunt, id est Crusniacus villaque quȩ dicitur Basilica Curtis necnon et aliȩ terrȩ diversis partibus jacentes, simul etiam et Cosla, cum omnibus intra Vosagum atque in pago Roslinse,
l.10 in comitatu Blisinse, integre ad eam pertinentibus, ab omni exactione et teloneo necnon et viatico universaque quȩstoria ratione sint absolutȩ et liberȩ publice et privatim, ex hoc et in omne tempus.
l.11 Ut vero eundem sanctissimum patronum nostrum beatum Remigium in ultimȩ discussionis tremendo examine mereamur invenire adjutorem, hoc etiam addere congruum censuimus ut in omnibus ubi-
l.12-cumque locis intra aut extra regni nostri fines idem monachi aliquid habere ac possidere cernuntur, nostrȩ corroborationis decreto firmiter constituto, nullus omnino nec rex nec
l.13 episcopus nec comes neque alicujus personȩ inconsiderata audatia aliquod prȩjudicium vel quamlibet indebitȩ oppressionis violentiam in omni terra ditionis eorum contra fas prȩsumat inferre.
l.14 Eos autem qui nobis in Francorum successuri sunt regno benigne rogamus ut, pro suarum redemptione animarum, hunc sacrum locum augmentare procurent. Quod si non fecerint, nemo tamen eorum, ne Deum regem
l.15 regum offendat perditionemque sibi perpetuam adquirat, ex omni proprietatis eorum possessione quippiam auferendi minuendive licentiam ullatenus tamquam prȩsumptor temerarius habeat. Ut autem hoc nostrȩ
l.16 immunitatis constitutionisque regale decretum per succedentia tempora maneat et a cunctis credulitatis firmitatem veratius accipiat, manu nostra omniumque fidelium nostrorum
l.17 prȩsenti assertione corroborari ac anuli nostri jussimus subter signando imprȩssione firmari.
l.18 SIGNUM DOMNI LUDOVICI GLORIOSI REGIS [monogramme] [sceau].
l.19 OYDILO regiae dignitatis notarius, ad vicem Artoldi archiepiscopi recognovit et subscripsit.
l.20 Actum Lauduni Montis, VI kalendas aprilis, indictione XI, anno autem XVII regnante Ludovico rege.

LAUER (Philippe), Recueil des actes de Louis IV, roi de France (936-954), Paris, 1914, p. 98-100, n° 44.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 8, pl. 10 (fac-similé).