Charles le Gros, empereur, confirme la restitution à l'abbaye Saint-Bénigne de Dijon, de douze manses que le monastère possédait à Plombières et qui avaient été usurpés.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, [DIVINA FAVENTE] CLEMENTIA IMPERATOR AUGUSTUS. SI VENERABILIUM PONTIFICUM JUSTIS ET RATIONABILIBUS EFFLAGITATIONIBUS QUAS PRO ECCLESIARUM SIBI COMMISSARUM UTILITATIBUS SERENITATIS NOSTRAE AURIBUS INTIMAVE-
l.2-rint assensum prebuerimus, et eas ad effectum perpetuae stabilitatis perducere [satagerimus, non solum in hoc nostram] imperialem exercemus consuetudinem verum etiam hoc ipsum [ad praesentem vitam cum] felicitate transigendam et ad futuram quantotius beatitudinem capessendam nobis profuturum esse non non dubitamus.
l.3 Quapropter comperiat omnium fidelium sanctae Dei ecclesiae nostrorumque, tam praesentium quam et futurorum sollertia, quia veniens Geylo Lingonensis ecclesiae reverendus antistes, excellentiae nostrae innotuit qualiter coenobio in honore beati Benigni martiris eximii juxta Divionem castrum in quo idem egregius mar-
l.4-tyr requiescit quasdam res ejusdem loci olim delegatas, atque inde substractas, in pago videlicet Divionensi, in villa Plomberias, scilicet mansa XII ad luminaria ejusdem monasterii perpetuo deservienda, pro amore omnipotentis Dei atque beati Benigni, necnon et nostri nostraeque conjugis ac prolis memoria reddidisset.
l.5 Hujus ergo rei causa ad nostram se colligens majestatem humiliter postulavit, quatinus pro Dei amore et ejusdem beati Benigni honore, res praenominatas atque praefato loco r[estitutas, per auc]toritatis nostrae praeceptum ita confirmare dignaremini ne deinceps posteris temporibus
l.6 inde alicujus praesumptione seu temeritate queant diminui vel auferri. Cujus laudabilibus petitionibus aurem dominationis nostrae accomodantes hoc sublimitatis nostrae praeceptum fieri jussimus, per quod statuentes decernimus et per nostram imperialem auctoritatem confirmamus
l.7 ut praedictae res quemadmodum ibi restitutae videntur ita futuris temporibus, cum omnibus adjacentiis, pratis scilicet, vineis, silvis, pascuis, aquis aquarumque decursibus, et utriusque sexus mancipiis ad hoc quod supra ordinata sunt perpetuo absque alicujus inquietudine in Christi nomine perseverent.
l.8 Et ut haec nostrae confirmationis seu permissionis auctoritas firma et inconvulsa omni tempore permaneat, atque stabilis in futurum consistat, manu propria subter eam firmavimus et anuli nostri inpressione in Dei nomine insigniri jussimus.
l.9 SIGNUM [monogramme] KAROLI GLORIOSISSIMI ET SERENISSIMI SEMPER AUGUSTI.
l.10 AMALBERTUS CANCELLARIUS AD VICEM LIUTVUARDI ARCHICANCELLARII RECOGNOVIT ET [ruche_notes_tironiennes] [sceau].
l.11 Data XIII kalendas junii, anno incarnationis domini nostri Jhesu Christi DCCCLXXXV, indictione IIII, anno imperii Karoli imperatoris in Italia regnantis V, in orientali Francia IIII, in Gallia I. Actum Granias villa. In Dei nomine, feliciter.

PERARD, Recueil de plusieurs pièces curieuses servant à l’histoire de Bourgogne, Paris, 1664, p. 160.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 365, n° 4.

KEHR (P.), Die Urkunden Karls III., Berlin, 1937 (MGH Diplomata regum Germaniae e stirpe Karolinorum, 2), p. 185, n° 117.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 7, pl. 2 (fac-similé).

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 1, p. 160-161, n° 129.