Louis le Bègue, roi des Francs, donne à son fidèle, le moine Vuideratus, huit manses et une chapelle Saint-Pierre situés entre les villae de Meures et d'Ormoy.

l.1 [chrisme] IN NOMINE DOMINI DEI AETERNI ET SALVATORIS NOSTRI JHESU CHRISTI, HLUDOVUICUS MISERICORDIA DEI REX. SI LOCIS DIVINO CULTUI MANCIPATIS BENEFICIA LARGIMUR OPPORTUNA, ID NOBIS PROCUL DUBIO
l.2 ad praesentem vitam facilius transigendam et ad aeternam felicius capessendam prodesse confidimus. Quocirca noverit omnium fidelium sanctae Dei ecclesiae nostrorumque tam praesentium quam
l.3 et futurorum sollertia, quia suggestione fidelis nostri Hugonis scilicet gloriosi abbatis quasdam res ob amorem domini nostri Jhesu Christi seu pro remedio domni genitoris nostri piae memoriae animae
l.4 Karoli imperatoris ac genitricis nostrae gloriosae reginae Irmindrudis vel nostrae, cuidam fideli nostro Vuidraduo scilicet monacho ad construendum locum Sancti Flaviani quem ipse
l.5 ex propriis rebus aedificare coepit, contulimus et per praeceptum in proprium firmavimus. Quae res sunt sitae in pago Bononiense, id est inter villam quae dicitur
l.6 Moram et Ulmetum mansos VIII, et cappellam I quae est in honore sancti Petri dicata, cum mancipiis utriusque sexus ad eosdem mansos pertinentibus vel aspicientibus.
l.7 Unde altitudinis nostrae praeceptum hoc fieri ipsique dari jussimus per quod precipimus ut teneat easdem res cum terris cultis et incultis, silvis, pratis, pascuis, aquis aquarumve
l.8 decursibus, exitibus et regressibus et omnibus legitimis exterminationibus necnon et mancipiis utriusque sexus desuper commanentibus vel ibidem aspicientibus, et sicut dictum
l.9 est totum et ad integrum praefato fideli nostro Vuidraduo monacho ad praefatum locum Sancti Flaviani construendum in proprium concedimus et de nostro jure in jus ac
l.10 dominationem illius sollempni deliberatione transferimus, eo videlicet modo et tenore ut quicquid ad utilitatem praedicti loci sancti Flaviani de ipsis rebus ipse vel successores
l.11 ipsius facere decreverint libero in omnibus potiantur arbitrio faciendi, nemine inquietante, aut aliquod censum de eis exigente.
l.12 Ut autem haec nostrae munificentiae auctoritas firmam et inpraevaricabilem semper in Dei nomine obtineat firmitatis vigorem, manu propria subter eam firmavimus
l.13 et anuli nostri impressione insigniri jussimus.
l.14 SIGNUM HLUDOVUICI [monogramme] GLORIOSISSIMI REGIS. [chrisme] VULFARDUS NOTARIUS AD VICEM GOZLENI RECOGNOVIT ET [SUBSCRIPSIT] [ruche] [sceau].
l.15 Datum II kalendas junii, indictione XI, anno I regni domni Hludovuici gloriosissimi regis. Actum Turonis civitate. In Dei nomine, feliciter. Amen, [amen].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 402-403, n° 6.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 30 (fac-similé).

GRAT F.-DE FONT-REAULX J.-TESSIER G.-BAUTIER R.H, Recueil des Actes de Louis II le Bègue, Louis III et Carloman II, rois de France (877-884) (Chartes et Diplômes relatifs à l'Histoire de France), Paris, 1978, p. 25-28, n° 11.

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 1, p. 139-140, n° 106.