Châlons-en-Champagne, AD Marne, 17 H 3 n° 3

<< < / > >>

Numéro79

Fiabilité de l'actenon suspecté

Genrebulle

Date05/01/1120(fiabilité :texte)

LieuCluny(lat :Cluniaci)

DiocèseChâlons

RégionChampagne/Ardenne

Supportparchemin

Chirographienon

Sceau bulle perdue

Etat de la traditionoriginal

Hauteur à gauche670   mm

Largeur en bas490   mm

AuteurPape Calixte II

BénéficiaireAbbaye  de  NOTRE-DAME  de  CHEMINON

Regeste

Calixte II, pape, confirme les biens et les privilèges de l'abbaye de Cheminon qui avait été rendue au Saint-Siège par Guillaume, évêque de Châlons. Il impose aux moines un cens annuel de dix sous, monnaie chalonnaise.

Fac-similé

Texte

l.1 CALIXTUS, EPISCOPUS, SERVUS SERVORUM DEI, DILECTIS FILIIS ALARDO ABBATI ET EJUS FRATRIBUS IN ECCLESIA BEATI NYKOLAI REGULAREM VITAM PROFESSIS, TAM PRESENTIBUS QUAM FUTURIS, IN PERPETUUM.
l.2 Locum vestrum et beati Nykolai ecclesiam in silva Luurz confrater noster bonȩ memoriȩ Riccardus, Albanus episcopus, tunc apostolicȩ sedis in partibus illis vicarius, ab edificationis exordio, sicut ex scripto ejus comperimus, in apostolicȩ sedis possessionem jusque suscepit,
l.3 ecclesiam et atrium benedixit et ab omnium episcoporum jure emancipavit. Quod et dominus predecessor noster sanctȩ memoriȩ PASCHALIS papa decreti sui auctoritate firmavit. Cum autem nos in Galliarum partibus pro ecclesiȩ servitio moraremur,
l.4 coram nobis et fratribus nostris apud Belvacum a te querimonia facta est, pro eo quod frater noster Guillelmus, Catalaunensis episcopus, locum ipsum in ejus parochia constitutum vehementius infestaret. Unde fratres nostri, qui nobiscum aderant, eundem episcopum
l.5 caritate debita convenerunt ut aut ab infestatione illa desisteret, aut si se in causa hac pregravatum crederet, plenariam a nobis justitiam accepturus, quiete atque pacifice gravamen suum exponeret. Tunc ille, tanquam
l.6 vir religiosus et sapiens, accepto fratrum suorum qui secum erant consilio, ad honorem Dei et apostolicȩ sedis reverentiam, si quid minus in predicti loci et ecclesiȩ oblatione fuerat se completurum episcopali benignitate respondit. In nostra ergo
l.7 et fratrum nostrorum Cononis Prenestini, Lamberti Hostiensis, Leodegarii Vivariensis, Clarimbaldi Silvanectensis et Petri Belvacensis episcoporum, et cardinalium Bosonis sanctȩ Anastasiȩ et Johannis sancti Grisogoni presbiterorum; Petri
l.8 sanctorum Cosmȩ et Damiani; Gregorii sancti Angeli; Grisogoni sancti Nykolai, et Romani Sanctȩ Mariȩ in Porticu diaconorum, presentia idem venerabilis frater Guillelmus, Catalaunensis episcopus, sepedictum locum et ecclesiam Sancti Nykolai in silva
l.9 Luurz, in jus proprium et omnimodam libertatem beato Petro et ejus ecclesiȩ Romanȩ concessit, et in manu nostra omnem deinceps inde calumniam refutavit. Nos vero ejus dulcedinem ac benivolentiam attendentes, tam ipsi, quam ipsius catholicis
l.10 successoribus, clericorum ad sacros ordines promotiones, chrismatis et olei dationem, si gratis ac sine pravitate voluerint exhibere, concessimus: alioquin liceat vobis catholicum quem malueritis adire antistitem,
l.11 et ab eo eadem sacramenta suscipere. Sane de presbitero qui populum regere debebit, statuimus ut a canonicis electus episcopo presentetur, et ab eo animarum curam suscipiat, eique inde rationem reddat, et vocatus ad sinodum
l.12 ejus vadat. Universa igitur, prout superius distincta sunt, nos auctoritate sedis apostolicȩ confirmamus et illibata futuris temporibus conservari sancimus. Preterea predicti domini nostri PASCHALIS pape vestigia subsequentes, vitȩ canonicȩ
l.13 ordinem quem secundum beati Agustini regulam professi estis, cooperante domino, roboramus et ne cui post professionem exhibitam proprium quid habere neve sine abbatis vel congregationis licentia claustri cohabitationem deserere liceat,
l.14 interdicimus. Obeunte te, nunc ipsius loci abbate, vel tuorum quolibet successorum, nullus ibi qualibet surreptionis astutia seu violentia preponatur, nisi quem fratres communi consensu vel fratrum pars consilii sanioris
l.15 secundum Dei timorem providerint regulariter eligendum; electus a Romano pontifice confirmetur. Sepulturam quoque ipsius loci liberam esse censemus, ut eorum qui illic sepeliri deliberaverint devotioni et extremȩ volun-
l.16-tati, nisi forte excommunicati sint, nullus obsistat. Porro terra circa ecclesiȩ vestrȩ ambitum sita, sicut in scripto Hugonis comitis continetur, tota usque ad Cotaem, Calcisfurnum, Vallem Rainaldi, campum Durfosson, viam
l.17 Barrensem Sancti Verani super aquam Cimeron, stirpam Fulcradi, extremum rivulum Braidis, Fraucuadum quod est in aqua Broisson et ultra sedem Hilduini, quantum est jactus balistȩ, et totam terram Culmontis
l.18 cum aqua et lignis seu ceteris usibus, sic in vestro semper jure ac successorum vestrorum quieta et libera conservetur, ut nulli hominum liceat preter vestram illic voluntatem operis aliquid exercere, nec episcopis vel quibuslibet ecclesiarum
l.19 ministris facultas sit de ipsius terrȩ frugibus, quȩ domus vestrȩ laboribus colitur, decimas aut terragium exigere vel molestias irrogare: villam etiam adjacentem in ea quȩ a predicto comite concessa et scripto
l.20 firmata est libertate permanere decernimus. Ad hȩc universa predia et bona quȩ vel in presentiarum legitime possidetis vel in futurum concessione pontificum, liberalitate principum vel oblatione fidelium juste atque
l.21 canonice poteritis adipisci, firma vobis vestrisque successoribus et illibata permaneant; in quibus ecclesiam Sanctȩ Ocildis cum omnibus ad eam pertinentibus proprio duximus nomine annotandam. Nulli ergo omnino hominum liceat sepedictam
l.22 ecclesiam temere perturbare, aut ejus possessiones auferre, vel ablatas retinere, minuere vel temerariis vexationibus fatigare, sed omnia integra conserventur, eorum pro quorum sustentatione et gubernatione concessa sunt, usibus
l.23 omnimodis profutura. Ad indicium autem juris ac possessionis Romanȩ ecclesiȩ, necnon et libertatis vestrȩ, decem Catalaunensis monetȩ solidos quotannis Lateranensi palatio persolvetis. Si qua igitur in futurum ecclesiastica secularisve
l.24 persona hanc nostrȩ constitutionis paginam sciens, contra eam temere venire temptaverit, secundo terciove commonita, si non satisfactione congrua emendaverit, potestatis honorisque sui dignitate careat reamque se divino
l.25 judicio existere de perpetrata iniquitate cognoscat et a sacratissimo corpore ac sanguine Dei et domini redemptoris nostri Jhesu Christi aliena fiat atque in extremo examine districtȩ ultioni subjaceat. Cunctis autem
l.26 eidem ecclesiȩ justa servantibus, sit pax domini nostri Jhesu Christi, quatenus et hic fructum bonȩ actionis percipiant et apud districtum judicem premia eternȩ pacis inveniant. AMEN. AMEN. AMHN.
l.27 [rota] Ego Calixtus, catholicȩ ȩcclesiȩ episcopus, subscripsi [benevalete].
l.28 Ego Lambertus, Hostiensis aecclesiae aepiscopus, interfui et subscripsi. [colonne1] [croix] Ego Petrus, diaconus cardinalis sanctorum Cosme et Damiani, interfui et subscripsi. [croix] Ego Gregorius, diaconus cardinalis sancti Angeli, interfui et subscripsi. [croix] Ego Romanus, diaconus cardinalis Sanctȩ Mariȩ in Porticu, interfui et subscripsi.
l.29 Datum Cluniaci, per manum Grisogoni, sanctȩ Romane ecclesiȩ diaconi cardinalis ac bibliothecarii, nonas januarii, indictione XIIIa, incarnationis dominicȩ anno MoCoXXo, pontificatus autem domni Calixti secundi pape anno primo.
l.30 [sceau].

Notes

1

Bibliographie

JAFFE-LOEWENFELD, n° 6804.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 10, Instr, col. 162.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 15, p. 233.

MIGNE (abbé Jacques-Paul), Patrologia Latina 163 (Paschalis II, Gelasius II, Hugo de S. Maria, Guillelmus de Campellis, Lambertus Audomarensis), Paris 1854, col. 1152.

BARTHELEMY (Edouard de), Recueil de chartes de l'abbaye de Notre-Dame de Cheminon, dans Société Sciences et Arts de Vitry-le-François, t. 11, 1881 et Paris, 1883, p. 47-50.

ROBERT (Ulysse), Bullaire du pape Calixte II : 1119-1124, 2 vol., Paris, 1891, t. 1, p. 183-186, n° 126.

Responsable

M. Courtois

Comment citer cette notice

Acte n°79 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°79»[En ligne] http://www.cn-telma.fr/originaux/charte79/. Date de mise à jour : 29/03/12.