Charles le Chauve, empereur, donne en toute propriété à son fidèle Baudri treize manses situés à Turgy et Prusy, dans le pagus de Tonnerre.

l.1 IN NOMINE SANCTAE ET INDIVIDUAE TRINITATIS, KAROLUS, EJUSDEM DEI OMNIPOTENTIS MISERICORDIA IMPERATOR AUGUSTUS. IMPERIALIS CELSITUDINIS MOS EST
l.2 fideles imperii sui donis multiplicibus atque honoribus ingentibus honorare sublimesque efficere. Proinde ergo et nos antecessorum nostrorum imperatorum scilicet morem exsequentes, decernimus quendam
l.3 fidelem nostrum, nomine Baldricum, de quibusdam rebus nostrae proprietatis honorare. Sunt autem eedem res in pago Tornotrinse, super fontem qui vocatur Aurora. Hoc est in villa quae nominatur Turigeius
l.4 mansus indominicatus cum cappella in honore sancti Lupi constructa et mansi XI ad eandem villam pertinentes, in Pruriaco etiam villa est mansus unus exinde pertinens. Et ad praedictos tredecim mansos
l.5 pertinent res quae sunt in Heredo villa et in villa Valeris, et in Velnai villa. Praefatos itaque mansos XIII cum cappella et cum mancipiis utriusque sexus, campis, molendinis, silvis, pratis, pascuis,
l.6 aquis aquarumve descursibus et cum omnibus quae ad ipsos mansos juste et rationabiliter pertinent, ubicumque inde aliquid conjacet memorato fideli nostro Baldrico concedimus, et de nostro jure in jus et potestatem
l.7 ipsius sollempni more delegamus et delegando transfundimus, quatinus exinde hujusmodi potestatem libere agendi quicquid voluerit habeat perpetualiter ab hodierna die et deinceps sicut et ex aliis rebus
l.8 suae proprietatis tam scilicet ipse quam et sua posteritas, et quicquid ad hoc legitime pertinendum est quod adquire potuerit liberam juste adquirendi habeat potestatem. Et ut hoc per omnia tempora
l.9 inviolabiliter conservetur, manu propria subter firmavimus et anulo nostro insigniri jussimus.
l.10 SIGNUM KAROLI [monogramme] GLORIOSISSIMI IMPERATORIS AUGUSTI.
l.11 [chrisme] AUDACHER NOTARIUS AD VICEM GAUZLINI RECOGNOVIT ET S[UBSCRIPSIT] [ruche] [Haetfridus ambasciavit] [sceau].
l.12 Datum V septembris, indictione X, anno XXXVIII regni domni Karoli imperatoris in Franciam et imperii ejus anno II. Actum Vercellis civitate. [In Dei nomine, feliciter. Amen].

PERARD, Recueil de plusieurs pièces curieuses servant à l’histoire de Bourgogne, Paris, 1664, p. 154.

QUANTIN (M.), Cartulaire général de l'Yonne, 2 vol., Auxerre, 1854-1860, t. 1, p. 103, n° 53.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 499-501, n° 445.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 23 (fac-similé).

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 1, p. 137, n° 104.