Charles le Chauve, roi des Francs, restitue la villa de Tillenay à l'église d'Autun.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. QUICUMQUE REGIAE DIGNITATIS CULMINE EFFERRI DESIDERAT, MERITO EUM PRAE OCULIS SEMPER HABERE DEBET CUJUS GRATIA PRAEFERTUR. IGITUR NOVERIT OMNIUM SANCTAE DEI ECCLESIAE FIDELIUM ET NOSTRORUM, TAM PRAESENTIUM QUAM ET FUTU-
l.2-rorum, sollertia quia nobis qui ubique res ecclesiasticas pro viribus jugiter tutari atque augmentari gaudemus, ob emolumentum mercedis animae nostrae, libuit cuidam sanctae matri ecclesiae Eduorum, quae noscitur esse dicata in honore sancti Nazarii martyris Christi,
l.3 cui etiam praeesse videtur Jonas venerabilis praesul, restitui atque solemniter refundi quandam villam quae vocatur Tiliniacus cum omni sua integritate, et est sita in pago Oscharense, super fluvium Sagonnam. Ipsa enim villa olim per incuriam rectorum
l.4 praedictae ecclesiae et malivororum hominum violentiam ab eodem loco distracta esse dinoscitur. Unde nos [qui, ut pra]ediximus, res ecclesiarum pro viribus tutamur, hoc celsitudinis nostrae praeceptum fieri ac praedicto loco sancto ad
l.5 deprecationem dilecti nobis memorati pontificis Jonae dari reddique jussimus, per quod praefatam villam cum omnium rerum [juste lega]literque sibi pertinentium summa integritate jamdicto loco sancto aeternaliter mancipandam ac perenniter famulandam
l.6 refundimus ac delegamus, eo videlicet modo ut rector praefatae ecclesiae et successores ejusdem quicquid ex praedicta villa cum omnibus pertinentibus sibi rebus pro utilitate ac commoditate ecclesiae et suorum necessitate facere decreverint, libero in omnibus
l.7 perfruantur arbitrio canonice legaliterque faciendi quemadmodum ex reliquis rebus ad eundem locum similiter contraditis ac restitutis, et noster anniversarius ac dilectissimae nostrae conjugis Hyrmindrudis in eadem ecclesia per singulos annos, gratia restitutionis istius villae,
l.8 sollemniter celebrari atque honorifice frequentari non neglegatur. Et ut haec nostrae restitutionis auctoritas pleniorem in Dei nomine per supervenientia tempora optineat vigorem, manu propria subter eam firmavimus et anuli nostri impressione sigillari jussimus.
l.9 SIGNUM KAROLI [monogramme] GLORIOSISSIMI REGIS. [chrisme] [notes_tironiennes] FOLCHRICUS DIACONUS AD VICEM HLUDOVUICI RECOGNOVIT ET SUBS[CRIPSIT] [ruche] [sceau].
l.10 Data III idus octobris, indictione VII, anno XX regnante Karolo gloriosissimo rege. Actum Tusiaco villa supra Mosam. In Dei nomine, feliciter. Amen.

PERARD, Recueil de plusieurs pièces curieuses servant à l’histoire de Bourgogne, Paris, 1664, p. 19.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 4, Instr, col. 57.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 560, n° 156.

CHARMASSE (A. de), Cartulaire de l'église d'Autun, Paris : Durand, 1865, t. 1, p. 24-25, n° 15.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 544-547, n° 216.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 4, pl. 10 (fac-similé).