Louis le Pieux, empereur, donne en toute propriété à son fidèle Fulbert, un manse seigneurial situé à Aiserey, que celui-ci tenait jusqu'alors en bénéfice héréditaire.

l.1 IN NOMINE DOMINI DEI ET SALVATORIS NOSTRI JHESU CHRISTI, HLUDOVUICUS, DIVINA REPROPITIANTE CLEMENTIA IMPERATOR AUGUSTUS. IMPERIALIS EXCELLENTIE MAGNITUDINEM DECET, FIDELITER SIBI DEVOTEQUE FAMU-
l.2-lantes muneribus et honoribus ditare atque regie munificencie liberalitatis honorare. Proinde comperiat omnium fidelium sanctae Dei aecclesiae nostrorumque presentium scilicet et futurorum sagacitas, quia concessimus ad
l.3 proprium Fulberto fideli nostro, quasdam res nostrae proprietatis, quae sunt in confinio Caviloninse Atoariense et centena Oscarinse, in loco cujus vocabulum est Aziriaca villa, mansum dominicatum ad quem aspiciunt alii mansi
l.4 quinque et dimidius, cum edificiis desuper positis, terris, campis, pratis, silvis, pascuis, aquis aquarumve decursib[us, ...20...], mancipia diversi sexus, [et cetera] videlicet quantumcumque predictus Fulbertus in memorata
l.5 villa nostra munificentia beneficiario jure adeptus est et ad memoratos mansos pertinere noscitur. Sed ut liberalitatis nostrae largitio, per diuturna tempora rata atque inviolabilis permaneat, ac verius certiusque credatur,
l.6 hos nostrae auctoritatis apices ei fieri darique decrevimus, per quos precipimus atque jubemus, ut abhinc in futurum, memorate res ac mancipia in ejusdem fidelis nostri Fulberti jure ac dominatione permaneant. Ita videlicet ut quicquid
l.7 de eis vel in eis jure proprietario facere, ordinare atque disponere voluerit vendendi, donandi, commutandi liberam in omnibus habeat potestatem faciendi. Et ut haec nostrae largitionis donationisve auctoritas firmior habea-
l.8-tur et per futura tempora melius diligentiusque conservetur, manu propria subter eam firmavimus et anuli nostri inpressione adsignari jussimus.
l.9 SIGNUM [monogramme] HLUDOVUICI SERENISSIMI IMPERATORIS.
l.10 [chrisme] [notes_tironiennes] DANIEL NOTARIUS AD VICEM HUGONIS RECOGNOVI ET [ruche_notes_tironiennes] [sceau].
l.11 Data VIIII kalendas septembris, anno Christo propitio XXIII imperii domni Hludovuici piissimi augusti, indictione XIIII. Actum Ramperti Villa. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 6, p. 611-612, n° 215.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/2, pl. 48 (fac-similé).

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 1, p. 80-81, n° 47.