Pascal II, pape, confirme les privilèges de l'abbaye de Cheminon.

l.1 PASCHALIS, EPISCOPUS, SERVUS SERVORUM DEI, DILECTIS FILIIS AILARDO ABBATI ET EJUS FRATRIBUS, REGULAREM VITAM PROFESSIS, TAM PRESENTIBUS
l.2 QUAM FUTURIS IN PERPETUUM. Austri terram inhabitantibus per prophetam dominus precipit, cum panibus occurrere fugienti . Idcirco vos, filii in Christo karissimi, de seculo fugientes,
l.3 gratanter excipimus et per Sancti Spiritus gratiam sedis apostolicae munimine confovemus. Locum quippe vestrum et beati Nykolai ecclesiam in silva Luurz, sicut bonae
l.4 memoriae Riccardus, Albanus episcopus, tunc noster in partibus illis vicarius, ab edificationis exordio in apostolicȩ sedis possessionem jusque suscepit, aecclesiam et atrium bene-
l.5-dixit, sic nos sub apostolicae sedis gremio perpetuo confovendum decreti presentis auctoritate sancimus. Vitae igitur canonicae ordinem, quem secundum beati Augustini regulam
l.6 professi estis, presentis privilegii auctoritate firmamus, et ne cui post professionem exhibitam proprium quid habere, neve sine abbatis vel congregationis licentia claustri cohabitatio-
l.7-nem deserere liceat, interdicimus. Totum itaque illud alodium in silva Luurz, quod Alais comitissa vobis, filiorum suorum consensu, Philippi, Catalaunensis episcopi, et Hugonis
l.8 comitis, delegavit, et item totum illud, quod supradictus Hugo comes in dedicatione aecclesiae adauxit, cum integris terminis, qui in ejus scripto continentur,
l.9 et quicquid preter haec vel in terra Culmontis vel in pratis aut aquis de suo jure eidem aecclesiae et communibus congregationis vestrae usibus obtulit, vobis vestrisque
l.10 successoribus, in eadem religione victuris, quietum ac liberum perpetuo manere sancimus. Porro tota terra, circa aecclesiae vestrae ambitum sita, sicut in predicti comitis
l.11 scripto continetur, cum aqua et lignis seu ceteris usibus, sic in vestro semper jure servetur, ut nulli omnino liceat, preter vestram illic voluntatem operis aliquid
l.12 exercere, nec episcopis, vel quibuslibet aecclesiarum ministris facultas sit, de ipsius terrae frugibus, quȩ domus vestrae laboribus colitur, decimas aut terragium exigere
l.13 vel molestias irrogare, quatenus omnipotenti domino liberiorem valeatis famulatum impendere. Nulli etiam episcoporum liceat, ipsius loci ordinem, qui secundum beati Augustini
l.14 regulam observatur, immutare, neque invitis fratribus aliquam personam intrudere, nec fratres illic habitantes ad synodum cogere, quamdiu apud vos regularis ordinis vigor, domino
l.15 prestante permanserit. Preterea, quȩcumque predia, quȩcumque bona, in futurum concessione pontificum, liberalitate principum vel oblatione fidelium juste atque canonice
l.16 poteritis adipisci, firma vobis vestrisque successoribus et illibata permaneant. Decernimus ergo, ut nulli omnino hominum liceat, eandem aecclesiam temere perturbare aut
l.17 ejus possessiones auferre vel ablatas retinere, minuere, vel temerariis vexationibus fatigare, sed omnia integra conserventur eorum, pro quorum sustentatione et guberna-
l.18-tione concessa sunt, usibus omnimodis profutura. Ad indicium autem perceptae a Romana aecclesia libertatis quindecim Catalaunensis monetȩ nummos quotannis Lateranensi
l.19 palatio persolvetis. Si qua igitur in futurum aecclesiastica secularisve persona hanc nostrae constitutionis paginam sciens, contra eam temere venire temptaverit, secundo
l.20 tertiove commonita, si non satisfactione congrua emendaverit, potestatis honorisque sui dignitate careat, reamque se divino judicio existere de perpetrata
l.21 iniquitate cognoscat, et a sacratissimo corpore ac sanguine Dei et domini redemptoris nostri Jhesu Christi aliena fiat, atque in extremo examine districtȩ ultioni subjaceat.
l.22 Cunctis autem eidem aecclesiae justa servantibus sit pax domini nostri Jhesu Christi, quatenus et hic fructum bonȩ actionis percipiant et apud
l.23 districtum judicem premia aeternȩ pacis inveniant. AMHN. AMEN. AMEN.
l.24 [rota] Ego Paschalis, catholicȩ ecclesiȩ episcopus, subscripsi [benevalete].
l.25 Datum Anagnie, per manum Johannis, sanctȩ Romane ecclesiȩ diaconi cardinalis ac bibliothecarii, III nonas octobris, indictione XI, incarnationis dominicȩ anno MoCXVII, pontificatus autem domni Paschalis secundi pape anno XoVIIIIo.
l.26 [sceau].

1

JAFFE-LOEWENFELD, n° 6563.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 113, n° 129.