Guillaume I^er, archevêque de Besançon, donne à l'abbaye de Montiéramey, l'église de Salneth, sous réserve des droits de l'église de Besançon.

l.1 Guillelmus, sanctȩ Crisopolitanȩ ȩcclesiȩ servus, Ottoni, abbati Sancti Petri monasterii
l.2 Aramarhensis, ceterisque loci ejusdem fratribus salutem. Quotiens precibus pulsamur ȩquitatis, si consensum
l.3 prebuerimus pietatis, ad utriusque vitȩ prosperitatem nobis valere non ambigimus. Quapropter venerabilium
l.4 fratrum vestrorum Milonis et Arnaldi sacristȩ vestri petitionibus adquiescentes, donavimus vobis et ȩcclesiȩ vestrȩ perpetuo
l.5 possidendam ȩcclesiam de Salneth cum appendiciis suis, salvis tamen synodalibus, eulogiis et paratis
l.6 atque justiciis ad nostram Bisontinam ȩcclesiam vel ejus ministros pertinentibus. Ut autem nostra hȩc cautio invio-
l.7-labilem obtineat firmitatem, sigilli nostri impressione eam jussimus insigniri, sed et nostrorum fratrum autenticorum
l.8 testimonio roborari, pontificali interdicentes auctoritate, ne quis huic nostrȩ sententiȩ contraire audeat
l.9 ullo jam tempore. Signum Brochardi archidiachoni. Signum Hugonis thesaurarii Sancti Stephani. Signum Guidonis
l.10 decani. Datum Bisontii, VI kalendas aprilis, anno dominicȩ incarnationis MoCoXo, pontificatus donni Guillelmi primo,
l.11 indictione III. Ego Bonifilius scripsi.
l.12 [sceau].