Otton III, empereur, confirme les possessions de l'abbaye de Mouzon, entre autres les biens donnés par le comte Godefroy.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA FAVENTE CLEMENTIA ROMANORUM IMPERATOR AUGUSTUS. SI SANCTIS AC VENERABILIBUS LOCIS FAVERE PROCURAVERIMUS, AETERNȨ REMUNERATIONIS
l.2 prȩmium nos accepturos firmiter sperare poterimus. Quocirca omnium sanctȩ Dei ȩcclesiȩ nostrorumque fidelium presentium et futurorum noverit universitatis industria, quomodo nos pro Dei amore nostrȩque remedio animȩ atque
l.3 interventu et petitione Gotefredi comitis nostrique fidelis cuidam monasterio super fluvium Mosȩ sito in honore sanctȩ Dei genitricis et virginis Mariȩ consecrato omnes res et proprietates quȩ in totius nostri regni
l.4 climate jure sibi pertinere videntur, nostra preceptali pagina confirmamus et corroboramus, ȩcclesiam videlicet sancti Dionisii et ȩcclesiam sancti Martini et sanctȩ Genovefȩ in ejusdem monasterii villa constructas et medietatem
l.5 mercati ipsius loci, villam etiam Beverliacum nomine, villam Edont, villam Seciam, in villa Romeliaco [man]sos septem, in villa Aleicurt mansum unum, in villa Dosiaco mansos duos, in Madreio mansos duos,
l.6 in Titania mansum unum, in vila Hercumbre ȩcclesiam unam cum tribus capellis, in Monte Sancti Remigii ȩcclesiam unam, in Hermanvisne ecclesiam unam, in Botoni Curte ecclesiam unam cum capella, in Radino Mon-
l.7-te ecclesiam dimidiam, in predicto Madreio ȩcclesiam unam, in Villare ecclesiam unam, in Amblini Monte ecclesiam unam, Hundelinicurt, item in Romeliaco mansos quinque, in Givunna mansos quattuor
l.8 et tertiam partem ȩcclesiȩ, in villa Sedensi mansum unum et quartam partem ȩcclesiae, in Eurini Monte mansum unum, super fluvium Mosellȩ in villa Roserolas mansos decem, in villa quȩ dicitur Castellum mansos duos.
l.9 Confirmamus insuper predicto monasterio prȩdia quȩ prelibatus Gotefredus comes et conjux sua pro animȩ sui fratris Alberonis et suȩ suorumque parentum remedio sibi concessit et tradidit, scilicet in villa
l.10 Madringes mansum dominicatum cum quinque mansis et dimidia ȩcclesia, in Rotela mansos septem et tertiam partem molendini, in Bretenaco mansos sedecim cum omnibus predictarum ecclesiarum villarum mansorum pertinentiis
l.11 campis, pratis, pascuis, silvis, piscationibus, molendinis, aquis aquarumque decursibus, vineis cultis et incultis et cum omnibus quȩ dici vel nominari possunt, quȩ jamdicto monasterio nunc pertinent aut in futuro
l.12 a quibuscumque Deo famulantibus collata erunt, ut fratres ibidem regulariter Deo servientes nunc viventes sive in eodem monasterio successores omnia prenominata habeant teneant atque securiter Deo servire valeant, remo-
l.13-ta inquietatione et molestatione omnium hominum. Si quis tamen hujus nostrȩ confirmationis violator extiterit, sciat se compositurum mille libras auri, medietatem palatio nostro et medietatem predicti monas-
l.14-terii fratribus. Quod ut verius credatur, manu propria confirmantes nostro sigillo inferius sigillari jussimus.
l.15 SIGNUM DOMNI OTTONIS [monogramme] INVICTISSIMI IMPERATORIS AUGUSTI.
l.16 HILDIBALDUS EPISCOPUS VICE VUILLIGISI ARCHIEPISCOPI NOTAVI [sceau].
l.17 Data VIII idus aprilis, anno dominicȩ incarnationis DCCCCXCVII, indictione X, anno tertii Ottonis regnantis XIIII, imperii primo. Actum Aquisgrani. Feliciter.