Henri I^er, roi de France, confirme à l'abbaye Saint-Pierre-le-Vif de Sens le privilège d'immunité attribué par ses prédécesseurs contre le comte Rainard qui y percevait d'injustes coutumes.

l.1 [croix] In Christi nomine, ego Hainricus, propicia divinitate Francorum rex, cunctis fidei catholicae pie et vere credentibus aeternae feli-
l.2-citatis optabile munus. Licet inmeriti sanctorum exigentibus quam nimiȩ culpis caremus deviantes suffragiis tamen oportet pa-
l.3-trocinia eorum ubique et signa amplecti, que cotidiana aspicientes fieri credimus et vestigia vel in aliquibusdam bone ac-
l.4-tionis operibus obsecundantes feliciter sequi, quo eorum interventu assiduo possimus contingere perhenniter promissa gaudia siderei
l.5 celi. Prodigiis quorum et continuis exemplis per totum dei gratia ego Hainricus Francorum rex, munitus mando notificans
l.6 cunctis nostrȩ curiae fidelibus, et multum perobto ut omnis audiens intelligat nostrorum fidelium coetus, hoc regale
l.7 preceptum quod Deo et sancto PETRO ceterisque apostolis, et martiribus sacris Saviniano videlicet, et Potenciano, et ejus-
l.8-dem cenobii ceteris sanctis, eorumque monachis deservientibus ad plenum firmare studemus. Igitur volo ut
l.9 audiatis clamorem abbatis Ermenoldi et monachorum sancti PETRI, de Rainardo comite de valde injustis
l.10 et malis consuetudinibus quas injuste per terras sancti Petri vim faciens obponit. Nam de omni seculari inquie-
l.11-tudine et potestate reges Francorum antecessores nostri preceptum inviolabile eidem casȩ Dei luculenter
l.12 statuentes firmaverunt, et postmodum genitor meus rex Rotbertus, ob amorem Dei et beati Petri, sanctique
l.13 presulis ac martiris Saviniani, cujus venerabile corpus idem genitor meus a solo elevans, auro et gemmis
l.14 ornavit. Ergo illud quod prefati Francorum reges preceptum corroborantes statuerunt, similiter et nos
l.15 regali auctoritate, firmiter consolidamus ita ut ab hodierna die jam ulterius sub integra defensione
l.16 ab omni strepitu et judiciariȩ potestatis inpulsione sit omnis terra ejusdem abbatiȩ libera et inmunis
l.17 et ut nullus nostrorum ministrorum judex publicus, nec in burgio, nec in villis, nec in viis, nec in terris, ullam
l.18 consuetudinem accipere presumat, nec rotaticos, nec pedaticos, nec teloneos, nec homines ipsius aecclesiae distringere
l.19 tam servos quam ingenuos, neque ullas redibitiones, aut inlicitas occasiones audeat vindicare. Et ut hoc pre-
l.20-ceptum firmum et stabile permaneat, manu propria firmavimus, et nostro sigillo sigillari jussimus.
l.21 HAINRICUS nutu Dei Francorum rex firmavit et hoc sigillo corroboravit.
l.22 S. Rotberti ducis Burgundionum. S. Odonis fratris regis.
l.23 Actum Senones mense julio regnante Hainrico rege anno V.
l.24 Balduinus cancellarius scripsit. [sceau].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 11, p. 566.

QUANTIN (M.), Cartulaire général de l'Yonne, 2 vol., Auxerre, 1854-1860, t. 1, p. 167-169, n° 88.

SOEHNEE (F.), Catalogue des actes d'Henri I^er, roi de France (1031-1060), Paris, 1907 (Bibliothèque de l'Ecole des Hautes Etudes, sciences historiques et philologiques, 161), p. 36, n° 43.

COURTOIS (Michèle), DUCHENNE (Marie-Christine), PARISSE (Michel), Actes originaux conservés dans le département de l'Yonne, Nancy : Presses universitaires de Nancy, 1989, (Diplomatica : Textes et études ; 1), p. 60-61, n° 14.