Hugues Capet, roi de France, à la prière de Guntio, abbé de Sainte-Colombe de Sens, confirme aux moines de cette abbaye leur privilège d'immunité, en particulier pour la villa de Sermaises, et la restitution de droits indûment perçus.

l.1 [chrisme] [notes_tironiennes] IN NOMINE DOMINI DEI AETERNI ET SALVATORIS NOSTRI JHESU CHRISTI, HUGO, DIVINA ORDINANTE CLEMENTIA FRANCORUM REX. SI UTILITATIBUS LOCORUM DIVINIS CULTIBUS MANCIPATORUM SERVORUMQUE DEI NECESSITATIBUS
l.2 in eisdem degentium opem nostrȩ celsitudinis impendimus, regium procul dubio exercemus munus ac per hoc ad aeternam beatitudinem capessendam omnino venturos nos minime dubitamus. Qua de re notum esse volumus omnium sancte Dei aecclesiȩ nostrorumque fidelium quod adientes strenuam
l.3 serenitatis nostrȩ coram frequentia procerum primatumque nostrorum Guntio abbas fratresque quamplurimi monasterii Domnȩ Columbȩ virginis et martiris seu Domni Lupi Christi confessoris quod est constructum in suburbio civitatis Senonum, intulerunt obtutibus nostris habere se
l.4 auctoritatem inmunitatis quam antecessores nostri piissimi reges Francorum praedicto loco concesserunt. Erat autem insertum in illa auctoritate qualiter ipsi nostri antecessores prȩdictum monasterium cum omnibus villis atque terris ad ipsum locum pertinentibus ob amorem Dei
l.5 tranquillitatemque fratrum ibidem consistentium sub plenissima tuitione et inmunitatis defensione habuissent. Postulaverunt denique nobis tam predictus abba quam cuncta caterva fratrum degentium sub ipso remitti sibi a nostra mansuetudine ob amorem Dei vicarias inlicitas
l.6 quas actenus injuste nos et nostri antecessores visi sumus tenere in villa quae dicitur Sarmasia quam praefatus Lupus beate Columbȩ olim tradidit perpetualiter possidendam, sitam ipsam in pago Stanpinsȩ. Insuper et regale preceptum super hoc petierunt sibi fieri
l.7 atque firmari. Quorum petitionibus libenter annuentes postulata concessimus et ea per hanc nostram auctoritatem confirmamus. Quapropter precipientes jubemus ut nullus judex publicus vel alia quȩlibet judicariae potestatis predita persona in villam
l.8 superius nominatam vel in ecclesiam seu in adjacentiis membris vel maisnilis constructis, vocatis his nominibus videlicet, Airardi villa, Anseini villa, Daredis villa, Ansonis villa, vel quicquid in presenti constructa sunt aut in futuro construentur ad causas judiciario more
l.9 audiendas, vel freda exigenda, aut mansiones vel paratas faciendas vel fidejussores tollendos, aut homines ipsius potestatis tam ingenuos quam et servos super ipsam potestatem commanentes, juste aut injuste distringendos aut bannum seu incendium
l.10 aut homicidium vel raptum requirendum, aut teloneum tollendum, aut nullas redibitiones vel inlicitas occasiones expetendas ullo tempore umquam ingredi audeat, vel ea quȩ supramemorata sunt penitus exigere presumat, sed liceat memorato
l.11 abbati ceterisque fratribus res praedictȩ potestatis sub immunitatis nostrȩ defensionȩ quieto ordine possidere, sicut olim possessae sunt a jamdicto beato Lupo qui eam memorato loco beateque Columbȩ tradidit jure perpetuo. Est [autem ipsa potestas]
l.12 undique determinata atque divisa ita ut usque hodie permaneat illa mirabilis divisio. Quicquid autem exinde fiscus ad nostram partem sperare poterit, totum nos pro ȩterna retributione prefato monasterio concedimus ut in alimon[ia pauperum]
l.13 et stipendia monachorum ibidem Deo perhenniter famulantium proficiat in augmentis quatinus ipsos monachos qui ibidem Deo famulantur pro nobis et conjuge proleque nostra atque stabilitate totius regni nostri a Deo nobis
l.14 concessi ejus clementissima miseratione per inmensum conservandi jugiter Domini misericordiam exorare delectet. Hanc itaque auctoritatem ut pleniorem in Dei nomine obtineat vigorem et a fidelibus sanctȩ Dei ecclesiae et nostris, et ut
l.15 verius credatur, et diligentius conservetur, manu propria subter firmavimus, et anuli nostri inpressione signari jussimus. SIGNUM HUGONIS GLORIOSISSIMI REGIS [monogramme]. DATUM ANNO PRIMO REGNI EJUS II NONAS JUNII.
l.16 SIGNUM ROTBERTI EJUS FILII ET REGIS [monogramme]. ACTUM IN DEI NOMINE COMPENDIO FELICITER.
l.17 ROTGERIUS NOTARIUS REGIS SCRIPSIT ET S[UBSCRIPSIT] [ruche] [sceau].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 10, p. 553.

QUANTIN (M.), Cartulaire général de l'Yonne, 2 vol., Auxerre, 1854-1860, t. 1, p. 150-152, n° 78.

MUSEE DES ARCHIVES DEPARTEMENTALES. Recueil de fac-simile héliographiques de documents tirés des archives des préfectures, mairies et hospices, Paris, 1875, p. 36, n° 17 (fac-similé, pl. 13).

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 3-4, n° 3.

COURTOIS (Michèle), DUCHENNE (Marie-Christine), PARISSE (Michel), Actes originaux conservés dans le département de l'Yonne, Nancy : Presses universitaires de Nancy, 1989, (Diplomatica : Textes et études ; 1), p. 52-54, n° 12.