Clément III, pape, rappelle que des incendies ont détruit les chartes de l'église de Saint-Dié et confirme les possessions de ce chapitre en Lorraine et en Alsace.

l.1 CLEMENS, EPISCOPUS, SERVUS SERVORUM DEI, CANONICIS SANCTI DEODATI TAM FUTURIS
l.2 QUAM PRȨSENTIBUS IN PERPETUUM. Cum omnis mortalium gloria velut foenum decidat et ut umbra pertranseat, vigilanter agendum est
l.3 omnibus maxime Domini sacerdotibus ne labentibus inhient, transituris invigilent, perituris insudent, sed passibus morum egressibus operum in anteriora tendentes,
l.4 obliti quȩ retro sunt supernȩ vocationis bravium conprehendant, ubi temporis nullus excursus non successus dierum et noctium, non varietas annorum et mensium sed dies ibi
l.5 continuus et annus aeternus qui nec initium noverit nec occasum. Qua de re danda est omnibus opera qui sacerdotii honore funguntur et nomine sed nobis precipuȩ qui licet indigne universis tam
l.6 aecclesiis videmur preesse, ne earundem status aliquatenus fluctuet, labefactetur et titubet, sed magis magisque proficiens vegetur et integer perseveret ut non modo temporalibus commodis et emo-
l.7-lumentis proficiant sed spiritualibus et aeternis excrescant. His et hujusmodi aliis meditationibus estuantes omnibus cupimus ecclesiis subvenire providere prospicere ne quid illis depereat
l.8 et ut habita pacifice teneant et habenda secure conquirant. Rogatu igitur Anastasii apostolatus nostri primogeniti cardinalis et dilectissimi filii ecclesiam Beati Deodati cujus
l.9 ipse canonicus est, in valle Galilea sitam, et felicis memoriȩ LEONIS PAPE plurimorumque decessorum nostrorum, quondam defensione munitam et juvamine conservatam in nostram tuitionem
l.10 suscipimus nostrisque successoribus in aeternum tuendam relinquimus, confirmantes ei per hujus nostri privilegii paginam quȩcumque decessorum nostrorum privilegiis confirmata sunt et concessa que tamen
l.11 ejusdem ecclesiȩ incendio consumpta audivimus tam in oblationibus et custodia altaris quam decimis, prediis, silvis, terris, aquis, vineis, acquisitis vel acquirendis, sive quas habet
l.12 in eadem valle Galilea sive in Elisatio, sive quorumcumque episcopatuum Lotharingiae diocesibus sive familia aecclesiȩ quȩ jussu Heinrici quarti dilectissimi filii nostri imperatoris
l.13 tercii, integre illi restituta fuit, mediante Burchardo Lausanensi episcopo Italiȩ cancellario concedentibus etiam duce Theoderico ejusdem ecclesiȩ defensore et advocato et Tul-
l.14-lensis ecclesiȩ Pibone episcopo. Statuentes etiam et hujus nostri privilegii patrocinio decernentes similiter et confirmantes ut canonicos ejusdem ecclesiȩ cum suis pertinentiis in Romani vigoris
l.15 curam susceptȩ nulla persona sive secularis, sive ecclesiasticȩ dignitatis audeat molestare, inquietare aut perversȩ consuetudinis occasione turbare, et si forte contigerit, libere Romanam
l.16 sedem appellent liberamque proclamationis audientiȩque facultatem obtineant. Si quis igitur alicujus diocesis episcopus, si quis dux, marchio, comes, advocatus, vicecomes, villicus magna parvaque
l.17 persona contra hoc nostrum decretum consenserit, fecerit, consiliatus fuerit vel quocumque modo infringere illud et violare temptaverit, in presenti seculo iram omnipotentis Dei incurrat et beatorum
l.18 apostolorum PETRI ET PAULI quorum jussa et decreta contempnit maledictione dampnatus et ex Romanȩ sedis auctoritate perpetui anathematis vinculis obligari se indubitanter perno-
l.19-scat et in die irȩ et furoris Domini, cum manifesta fuerint occulta cordis, inrevocabiliter judicandus cum diabolo totius maliciȩ principe potente, potenter tormenta sustineat.
l.20 Quod ut certius credatur et diligentius ab omnibus observetur presentes litteras manus nostrȩ signo firmavimus et sigilli nostri impressione corroborari precepimus.
l.21 [rota] [benevalete].
l.22 DATA V IDUS AUGUSTI, APUD MONTE VETERE QUI ALIO NOMINE MONS BELI DICITUR, PER MANUS ROBERTI TARENTINI EPISCOPI
l.23 VICE CANCELLARII PETRI, ANNO DOMINICE INCARNATIONIS MILLESIMO NONAGESIMO II, INDICCIONE XV.
l.24 [sceau].

JAFFE-LOEWENFELD, n° 5334.

SOMMIER (Jean-Claude), Histoire de l'Eglise de Saint-Diez avec les pièces justificatives de ses immunitez et privilèges.- Saint-Dié : Bouchard, 1726, p. 359.

PHILIPPE (André), Inventaire des sceaux des Archives Départementales des Vosges, Epinal, 1919, n° 249.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 53-55, n° 56.

PARISSE (Michel), Bullaire de la Lorraine : jusqu'à 1198.- Nancy : Société d'Histoire et d'Archéologie de la Lorraine, 1969, (Annuaire de la Société d'Histoire et d'Archéologie de la Lorraine, t-à-p n° 69), p. 22, n° 75.