Bernard de Mairans donne au chapitre d'Aureil l'église d'Eyjeaux.

l.1 Bernardus de Mairans timens periculum animȩ suȩ et animȩ patris sui donavit Deo et sancto Johanni aecclesiam de Ejau et feudum presbiterale, quantum
l.2 potest laicus homo dare pro liberatione animȩ suȩ et animȩ patri sui. Quod donum ego Fulcherius, filius Bernardi de Mairens, sciens, ego et fratres mei
l.3 Gaucelmus et Bernardus et Gaucelmus Pigmaurs et Aimericus Gaucelmus qui habent sorores meas, cum aliis amicis nostris venimus in Aurelium et intravimus
l.4 in capitulum sancti Johannis et donavimus et concessimus donum quod fecerat pater noster Deo et sancto Johanni, predictam ȩcclesiam et feudum presbiterale ejus pro libertate
l.5 animȩ nostrȩ et patris nostri et aliorum parentum nostrorum, ita ut deinceps canonici tranquille et pacifice possideant. Quod si aliquis aliquam injuriam
l.6 et calumniam eis vellet inferre, ego et fratres mei, secundum posse nostrum, adjutores et defensores erimus; et ne aliquid inde auferre possint, tota
l.7 fortitudine contradicemus. Si autem eveniret quod canonici racionabiliter in placito hoc donum quod fecimus eis portare non possent,
l.8 nos in nostram possibilitatem nobis retinemus, nulli alii dantes quod illi quibus dedimus recte possidere non possent.
l.9 Testes sunt Geraldus de Joviniaco, Bernardus presbiter de sancto Genesio et Gaucelmus frater ejus, Petrus de Aurelio, Rotgerius clericus, Petrus Rainaldus.