Louis IV, roi des Francs, à la requête de son chapelain Odilon, confirme la donation d'un domaine situé à Villers-aux-Noeuds, faite par celui-ci au monastère Saint-Remi de Reims.

l.1 [chrisme] IN NOMINE SUMMAE ET INDIVIDUAE TRINITATIS, DIVINA DISPONENTE CLEMENTIA, HLUDOVUICUS FRANCORUM REX. SI NOS QUI REGIA MAJESTATE PRAEMINEMUS, SANCTAE DEI
l.2 ecclesiae oportunitatibus providemus et vota fidelium quae offeruntur ad loca sanctorum, regalis auctoritatis munimine roborantes confirmamus, aeterni pro-
l.3-cul dubio regis nos inde consecuturos speramus gratiam remunerationis. Quapropter ad universorum fidelium nostrorum, tam praesentium
l.4 scilicet quam futurorum, pervenire volumus industriam quoniam, pro delictorum suorum indulgentia et adipiscenda vita perpetua, quidam fidelis noster
l.5 atque capellanus, nomine Oydilo, quandam proprietatis suae terram, in comitatu Remensi, in villa quae dicitur Villare sitam, sancto Remigio glorioso
l.6 antistiti jure hereditario perpetuo tradidit possidendam, nostram celsitudinem depraecans ut regiae auctoritatis nostrae decreta constitutione
l.7 hoc suae traditionis dignaremur corroborare votum. Unde quoque clementiae nostrae placuit, regalis auctoritatis praesens exinde ad memoriam
l.8 sive notitiam futurorum fieri praeceptum, per quod decernimus atque santiendo constituimus seu confirmamus quatinus omnibus nostris successo-
l.9-rumque nostrorum temporibus praefatȩ res sacro loco vel fratribus regulari ordine ibidem Deo famulantibus, a praescripto Oydilone quondam
l.10 capellano nostro traditȩ, perpetua stabilitate inviolabiliter firmiterque permaneant. Ut vero hoc nostrȩ regalis auctoritatis vel ex facta donatione
l.11 constitutionis praeceptum per succedentia tempora veraci corroboratione servetur ab universorum temeritate illesum, manu illud propria subter firma-
l.12-vimus atque secundum morem regum indita proprii anuli inpressione assignari jussimus.
l.13 SIGNUM DOMNI LODUVUICI [monogramme] SERENISSIMI REGIS [sceau].
l.14 ODILO, regiȩ dignitatis notarius, ad vicem Artoldi archiepiscopi recognovit et subscripsit.
l.15 Actum Remensi palacio, pridie kalendas novembris, indictione XI, anno autem XVII regnante domno Lodovuico rege.

LAUER (Philippe), Recueil des actes de Louis IV, roi de France (936-954), Paris, 1914, p. 96-97, n° 42.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 8, pl. 9 (fac-similé).