Pascal II, pape, confirme au prévôt Alard et à ses frères la fondation d'une communauté religieuse de chanoines réguliers dans la forêt de Luiz.

l.1 PASCALIS, EPISCOPUS, SERVUS SERVORUM DEI, DILECTIS FILIIS AILARDO, PREPOSITO, ET EJUS FRATRIBUS SALUTEM ET APOSTOLICAM BENEDICTIONEM.
l.2 Austri terram inhabitantibus per prophetam dominus precipit cum panibus occurrere fugienti. Idcirco vos filii karissimi de seculo
l.3 fugientes gratanter excipimus et per Sancti Spiritus gratiam sedis apostolicȩ munimine confovemus. Vitȩ namque canonicȩ ordinem quem
l.4 secundum beati Augustini regulam professi estis, presentis privilegii auctoritate firmamus. Et ne cui post professionem exhibitam
l.5 proprium quid habere, neve sine prepositi vel congregationis licentia claustri cohabitationem deserere liceat, interdici-
l.6-mus, juxta quod scilicet claustrum in silva Luurz totum illud alodium vobis vestrisque successoribus in eadem
l.7 religione victuris quietum ac liberum perpetuo manere sancimus, quod Alaidis comitissa vobis filiorum suorum
l.8 consensu Philippi Catalaunensis episcopi et Hugonis comitis delegavit. Tota igitur terra circa ecclesiȩ vestrȩ am-
l.9-bitum sita, quantum unius leugȩ medietas tenet, cum aqua et lignis seu ceteris usibus sic in vestro semper jure
l.10 servetur: ut nulli omnino liceat preter vestram illic voluntatem operis aliquid exercere. Nec episcopis vel quibuslibet
l.11 ecclesiarum ministris facultas sit de ipsius terre frugibus quȩ domus vestrȩ laboribus colitur, decimas aut terragium
l.12 exigere vel molestias irrogare, quatinus omnipotenti domino liberiorem valeatis famulatum impendere. Preterea quȩ-
l.13-cumque predia, quȩcumque bona in futurum concessione pontificum, liberalitate principum vel oblatione fidelium juste atque
l.14 canonice poteritis adipisci, firma vobis vestrisque successoribus et illibata permaneant. Decernimus ergo ut nulli omnino hominum li-
l.15-ceat eandem ecclesiam temere perturbare, aut ejus possessiones auferre, vel ablatas retinere, minuere vel temerariis ve-
l.16-xationibus fatigare, sed omnia integra conserventur, eorum pro quorum sustentatione et gubernatione concessa sunt, usibus
l.17 omnimodis profutura. Si qua sane ecclesiastica secularisve persona hanc nostrȩ constitutionis paginam sciens contra eam temere
l.18 venire temptaverit, secundo terciove commonita, si non satisfactione congrua emendaverit, potestatis honorisque sui dignitate
l.19 careat, reamque se divino judicio existere de perpetrata iniquitate cognoscat, et a sacratissimo corpore ac sanguine Dei
l.20 et domini redemptoris nostri Jhesu Christi aliena fiat atque in extremo examine districtȩ ultioni subjaceat. Cunctis autem
l.21 eidem loco justa servantibus sit pax domini nostri Jhesu Christi quatenus et hic fructum bonȩ actionis percipiant et apud districtum
l.22 judicem premiam aeternȩ pacis inveniant. AMEN. AMHN. Amen.
l.23 Ego Paschalis catholicȩ ecclesiȩ episcopus subscripsi.
l.24 [rota] [benevalete].
l.25 Datum Beneventi, per manum Johannis sanctȩ Romane ecclesiȩ diaconi cardinalis, IX kalendas octobris, indictione XI, anno dominicȩ incarnationis MoCIII pontificatus autem domni
l.26 Paschalis secundi papae IIIIo.
l.27 [sceau].

1

JAFFE-LOEWENFELD, n° 5921.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 10, Instr, col. 158, n° 13.

BARTHELEMY (Edouard de), Recueil de chartes de l'abbaye de Notre-Dame de Cheminon, dans Société Sciences et Arts de Vitry-le-François, t. 11, 1881 et Paris, 1883, p. 41-43.