Gérald Bernard de Bré donne à Saint-Martial l'abbaye de Saint-Pierre de Vigeois.

l.1 Salubris valde et utilis ab antiquitate tradita etiam continuatione usitata processit institucio ut videlicet homo quilibet pro remissione pecatorum suorum de rebus suis
l.2 in presentiarum Deum heredem faceret. Quapropter ego Geraldus Bernardus de Bre, Dei amore et timore commotus et salutis proprie sollititus, dedi et concessi Deo et sancto MARCIALI
l.3 abbatiam sancti Petri Vosidensis ut semper in potestate et dominio sancti Marcialis et abbatis ejus in perpetuum ipsa permaneat. Hoc autem donum pro remedio animȩ meae et patris
l.4 mei et matris uxorisque et omnium parentum meorum feci, presente et adstante Ademaro, tunc temporis abbate existente. Die vero illa quando hoc donum feci, dedi quoque sancto Petro Vosidensi
l.5 ex integro vicariam quam in terra illius habebam, ubi sanctus Petrus et abitatores monasterii ejus censum et redditus suos habent, affirmans et promittens ut ulterius nec ipse nec vicarius meus
l.6 aut aliquis alius jussione mea furtum aut raptum aut incendium aut leutum belli aut judicii in terra illa usurpare presumat, sed semper in potestate abbatis loci illius et ejus monacorum
l.7 existat; sed neque parvi panis aut mensurarum vel monetȩ justiciam inibi amplius requiram. Si autem omo quilibet terram aliquam, ubi vicariam habere videor, sancto Petro Vosidensi
l.8 attribuerit, similiter ipsam vicariam sicut superiorem ipsi sancto Petro possidendam concessi. Si forte fevales mei terram quam de me fevaliter retinent sancto Petro dare voluerint, hoc quoque
l.9 sicut ipsi dederint, ita et ego concessi permanendum. Malas vero cosdumnas et malos rapinarum usus quos in terra ejusdem sancti Petri omines mei vel ego inmiseram, ex toto dimisi
l.10 et gurpitionem feci. Testium ergo nomina sub quorum oculis ista devote peregi, inferius anotantur. Acta sunt autem hȩc millesimo ab incarnacione Domini anno LXXXII,
l.11 indictione quinta, Ademaro abbate existente, Guidone quoque Lemovicensi sedi presidente, Philippo nichilominus rege Francorum regnum obtinente.