Gaucelme de Pierre-Buffière et plusieurs de ses parents donnent à Saint-Pierre de Solignac le prieuré Sainte-Croix qu'il a édifié près du château de Pierre-Buffière, quatre enclos ou jardins et l'église Saint-Martin de Vicq.

l.1 MUNDI TERMINUM RUINIS CREBRESCENTIBUS ADPROPINQUANTEM INDICIA certa manifestantur, experimenta declarare noscuntur et ad discutiendas infideli-
l.2-um mentes dudum in evangeliis a Domino dicta oracula incumbere noscuntur. Opere precium arbitror futurorum temporum vicissitudinem prȩoccupans
l.3 anticipare et incertum humane conditionis eventum sagaci mentis intuitu, quatenus ex hoc in nactis facinorum vulneribus indulta pietate remedia
l.4 mereatur, adipisci.
l.5 Igitur in Dei nomine ego Jauzcelmus de Petrabuferia et nepos meus, qui similiter vocatur Gauzcelmus, et Aymiricus de Jaunac et uxor ejus Aalmodis et filii eorum
l.6 Petrus, Stephanus, Bernardus atque Guido sed et Petrus del Mont et fratres ejus Gauzcelmus et Ugo,
l.7 pertractantes qua gravamus sarcina peccatorum et reminiscentes bonitatem Domini dicentis: Date elemosinam et omnia munda sunt vobis; de tanta igitur miseratio-
l.8-ne et pietate Domini confisi, idcirco per hanc epistolam donationis donamus donatumque in perpetuum esse volumus aliquam partem hereditatis nostrae
l.9 atque de jure nostro in jure et dominatione monasterii sanctorum Petri et Pauli apostolorum quod antiquitus noscitur Sollempniacum a beato Elegio, Noviomagensi episcopo, nobiliter
l.10 constructum, ubi preciosus requiescit Tillo, Christi confessor. Ibi namque Guido, abbas, rector preesse videtur congregationi sibi commisse.
l.11 Hoc est monasterium quod edficare cȩperamus in honore domini nostri Jhesu Christi et sanctae Crucis [croix] ejusdem in qua passus est pro tocius mundi salute,
l.12 et in honore sanctae hac perpetuae Virginis MARIAE sanctique Stephani protomartiris Christi, et in honore sancti Petri,
l.13 apostolorum principis, necnon et sancti Marcialis, juxta castrum quod dicitur Petrabuferia, ad ortum solis; ipsud monaste-
l.14-rium cum suo atrio atque cimiterio et cum quattuor casalibus sive ortalibus qui in circuitu ejus sunt
l.15 totum et integrum sancto Petro cedimus et monachis supradicti loci ad habendum sive ad possidendum jure perpetuo.
l.16 Similiter aetiam dono fevum presbiterale ȩcclesie sancti Martini de Vico per consilium et voluntatem eorum a quibus eandem aecclesiam teneo necnon et illorum qui habebant de me illam.
l.17 Hujus doni sunt testes hii quorum nomina hic subscripta sunt: Aimiricus de Jaunac, Geraldus de Jaunac, Ugo de Ponroi, Geraldus de Ponroi, Stephanus de Vic, presbiter, Petrus de Monte, Constantanus, presbiter et alii multi.
l.18 Si quis autem huic donationi nostrȩ per quaslibet adinventiones seu occasiones, sicut mundus cotidie artibus et ingeniis dilatatur, convulsor aut tergiversator extiterit, anathe-
l.19-ma sit et cum Datan et Abiran hiatu terrae absortis vivens in infernum descendat et cum Giezi, fraudis mercatorem, et in presenti et futuro seculo partem dampnationis excipiat, et cum
l.20 Juda traditore epuletur cotidie. AMEN. Sic fiat.