Philippe I^er, évêque de Châlons, donne à l'abbaye Saint-Pierre-aux-Monts, à la requête de l'abbé Lambert, l'autel Sainte-Geneviève de Vitry.

l.1 IN NOMINE SANCTȨ ET INDIVIDUȨ TRINITATIS, PHILIPPUS EPISCOPUS.
l.2 Cum ecclesiarum necessitatibus compatiendo misericordiȩ sinum aperimus, et fratrum in eis Deo militantium inopiȩ subvenimus,
l.3 ad profectum animarum nostrarum laboramus, et a summo remuneratore nobis perpetuam retributionem speramus. Unde ad
l.4 ad notitiam tam presentium quam futurorum extendere volumus, domnum Lanbertum ecclesiae Beati Petri abbatem religiosum
l.5 quidem virum et nobis per omnia in Christo fidelissimum presentiam nostram adiisse et ut ecclesiae Sancti Petri sublevaremus inopiam humiliter postulasse.
l.6 Cujus petitioni adquiescentes, immo monachorum inopiȩ compatientes assentiente Odone archidiacono, concessimus prefatȩ ecclesiae,
l.7 altare sanctae Genovefȩ de Vitreio, perpetualiter, post obitum domni Milonis subcentoris, ob remedium animarum nostrarum ad personam
l.8 ita ut cum persona obierit, substituatur alia nulla interveniente pecunia. Id autem ab abbate et monachis in munere
l.9 accepimus, ut, in eadem ecclesia, anniversarius ordinationis nostrae dies sollempniter celebretur post obitum quoque nostrum, obitus
l.10 nostri dies in orationibus et missarum celebrationibus quotannis agatur. Et ut hoc ratum et inmotum permaneat, hanc cartam
l.11 fieri jussimus quam etiam propria manu firmavimus et sigilli nostri inpressione signavimus. Qui autem hoc removere
l.12 et hujus largitionis actoritatem infirmare presumpserit, perpetuȩ subjaceat excommunicationi.
l.13 Signum Odonis archidiaconi. Signum Immari archidiaconi. Signum Odonis archidiaconi. Signum alterius Odonis archidiaconi. Signum Guarini
l.14 decani. Signum Milonis. Signum Petri. Signum Bosonis.
l.15 Actum Catalaunis, anno incarnati Verbi MXCVII, indictione VI, epacta XV, concurrente IIIo,
l.16 regnante Philippo in Gallia, et episcopante Philippo in urbe Catalaunica.
l.17 Guarinus cancellarius, recognovit, scripsit et subscripsit.
l.18 [sceau].