Eudes, roi de France, accorde à l'abbaye de Solignac l'immunité pour tous ses biens, toute redevance pesant sur ces biens et la liberté d'élection abbatiale.

l.1 [chrisme] IN NOMINE DEI SUMMI ET ETERNI REGIS, Odo, gratia Dei rex. Quandocumque servorum Dei nostrorumque fidelium justis et rationabilibus efflagitationibus aurem celsitudinis nostrȩ assensum
l.2 prebentes accomodamus, regiȩ majestatis consuetudin[em exerc]emus ac per hoc premia aeternȩ felicitatis facilius nos adepturos nullatenus dubitamus. Ideoque notum sit omnibus sanctȩ Dei
l.3 ecclesiȩ fidelibus et nostris, presentibus sive futuris, quia venerabilis vir Teodericus, abba ex monasterio Solemniaco, olim constructo ab Elegio, Noviomagensis episcopo, tempore Dagoberti gloriosissimi regis Francorum,
l.4 posito super fluviolo Brivancia, quod jamdictus pontifex in honore sanctȩ Dei genitricis Mariȩ sanctique Petri atque omnium apostolorum, Dionisii sociorumque ejus atque Pancratii, Crispini et Crispiniani et sanctorum confessorum Hilarii,
l.5 Martini atque Medardi [construxit], ad nostram accedens reverenter clementiam, deprecatus est ut idem monasterium, cum omnibus hominibus et villis ac rebus sibi juste legaliterque pertinentibus, simul etiam cum his quae divina pietas
l.6 per suos quosque fideles eidem monasterio augere voluerit, sub nostrȩ immunitatis tuitione ac defensionis pretextu recipere dignaremur. Cujus precibus clementi favore annuimus; quin etiam ob [id] magnitudinis nostrȩ preceptum speciali
l.7 condicione fieri jussimus, per quod prefatum monasterium, veluti premissum est, cum omnibus rebus sibi pertinentibus, sub nostrȩ immunitatis tuitione suscepisse universis fidelibus nostris notum esse volumus, precipientesque jubemus ut nulli liceat fidelium Dei atque
l.8 nostrorum, presentibus vel futuris temporibus, idem intrare monasterium vel in quamlibet sibi pertinentem villam aut agros sive silvas ad causas audiendas aut judicia publica terminanda aut paratas faciendas vel exigendas aut mansiaticos vel
l.9 paraveredos vel ullam quamlibet redibitionem exigendam, sed quicquid e[x prefati monas]terii rebus exigi potest, abbatibus et monachis in eodem loco Deo servientibus proficiat in stipendiorum augmentis. Statuimus interea ut habeant monachi in eodem loco Domino famulan-
l.10-tes, secundum patris Benedicti regulae institutionem, omni tempore [licentiam] ex seipsis eligendi abbatem ac nulli liceat aliquando ex rebus ejusdem ecclesiae quicquam illis subtrahere vel minuere aut homines sibi pertinentes vel super terram ipsius commanentes inquietare,
l.11 distringere aut fidejussores tollere, sed omni tempore rectoribus et monachis frequenter dicti monasterii quicquid ex eis esse potest, prosit in erogationem et animae nostrae proficiat ad liberationem. Haec namque si quis nostrae bonae voluntatis sancita delere conatus
l.12 fuerit, tali eum Dominus feriat ultione quatinus nullo modo suam vindicet voluntatem qui hanc nostram infringere voluerit auctoritatem. Ut autem haec magnificentiae nostrȩ auctoritas omni tempore inviolabilis et a nobis et a successoribus nostris observetur,
l.13 manu nostra eam subter firmavimus et de anulo nostro sigillari fecimus.
l.14 SIGNUM ODONIS [monogramme] GLORIOSISSIMI REGIS.
l.15 TROANNUS NOTARIUS AD VICEM EBLONIS RECOGNOVIT ET [ruche_notes_tironiennes] [Frotarius archiepiscopus ambasciavit, Troannus notarius scripsit] [sceau]. [In Dei nomine], feliciter.
l.16 Datum idus junii, anno incarnationis Domini DCCCLXXXIII, indictione VIIa, anno secundo regnante domno Odoni regis gloriosi. Actum monasterio Sancti Maximini. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 442, n° 3.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 7, pl. 11 (fac-similé).

BAUTIER (Robert-Henri), Recueil des actes d'Eudes, roi de France : 888-898, Paris, Imprimerie nationale, Klincksieck, 1967, p. 7-12, n° 2.