Erard et Yves, son fils, donnent la moitié du droit de sépulture et le tiers des redevances de l'église Saint-Pierre de Chivilei.

l.1 Nosse debebitis si qui eritis posteri nostri, Majoris scilicet hujus habitatores
l.2 Monasterii Sancti Martini, Airardum de Bona, cum filio suo Ivone, in beneficii nostri susceptum
l.3 societatem, donasse pro anima sua sancto Martino, et nobis sub regimine nunc agentibus domni abbatis
l.4 Alberti, medietatem sepulturȩ, et tertiam partem omnium reditus cujusdam ecclesiȩ, in honorem
l.5 sancti Petri dicatam, auctorizasse vero hoc idem uxorem ejus Elisabeth nomine, et filios
l.6 filiasque suas his nominibus, Airardum, Godefredum, Arenburgem, atque Lisoiam, et ita per ejus
l.7 donationem et illorum favorem, memoratam ecclesiȩ partem solitam et quietam, sicut ipse
l.8 habuerat, tenuerat, et possederat, in nostrum perpetuo devenisse dominium. Est
l.9 autem eadem ecclesia in pago Cȩnomannico, loco videlicet illo quem Chivilei dicunt,
l.10 pertinens ad Gelduini de Malliaco casamentum. Absque cujus assensu ne videretur fieri
l.11 donatio Airardi, de illius etiam faventia promisit. Quam donationem, dum eo quo
l.12 prȩmissum est modo, in capitulo, et oratorio, prȩsente filio suo Ivone, et
l.13 annuente, quodam fuste ut moris est faceret, hii interfuere testes, [colonne1] Adelardus ejusdem ecclesiȩ presbiter, Bernardus hospitalis, Gauslinus forestarius, Giraldus pistor, [colonne2] Stephanus caprarius, Johannes conversus, Berlaudus de Tristega.