Gervais de Château-du-Loir donne à l'abbaye de Marmoutier l'église de Saint-Guénolé de Château-du-Loir.

l.1 AD SANANDA VARIORUM VULNERA PECCATORUM QUȨ CUM MORTALIBUS UNIVERSIS TUM MAXIME SURREPUNT OCCUPATIS SECULI NEGOTIIS, CONGRUENTEM BONITAS DIVINA PROVIDIT ELEMOSYNARUM MEDICINAM, UT QUȨ CURIS TERRENORUM
l.2 damna accidunt cȩlestium, compensentur terrenarum largitate facultatum, et unde prȩcessit obligatio, sequatur absolutio. Bonum autem elemosynȩ, non tantum abolet mala, verum etiam adauget
l.3 merita bona, et quod datur in abolitionem delictorum, provehit incrementa virtutum, sicque studiosus misericordiȩ duplum in suam lucrum convectat animam, dum et pȩnas vitiis debitas redimit, et
l.4 premia virtutibus proposita conquirit. Hac consideratione permotus ego Gervasius homo militiȩ seculari deditus curam gerens de salute animȩ meȩ, et perpendens me jejuniis et oratio-
l.5-nibus meis ad Deum pervenire non posse, cogitavi aliquo modo me illis comendare, qui Deo in talibus die ac nocte deserviunt, ut eorum intercessionibus quia per me non poteram salutem illam
l.6 mererer invenire. Cum igitur aliquid hujusmodi hominibus ad subsidium vitȩ presentis istius rei gratia vellem impendere, nec michi de rebus meis suppeteret quod eis digne possem offerre,
l.7 subiit spes de misericordia Dei, quod si ea quȩ a majoribus meis Deo ad usum servorum ejus collata fuerant sed modo deserta sunt ac vastata, in pristinum statum revocare possem, et peccatorum meorum conse-
l.8-querer veniam, et animȩ meȩ salutem perpetuam. Est ergo in pago Cenomannensi in castello Ledi ecclesia in honorem sancti Guingualoei constructa, cui multa majores mei contulerunt ad usum Deo
l.9 inibi servientium, ad quod Dei servitium canonicos constituerunt. Orto autem bello inter comitem Gausfredum et dominum illius castelli, cum idem comes cuncta per circuitum castelli ferro et
l.10 flamma disperderet, res quoque hujus quam dicimus ecclesiae, ipsas rapere ac vastare sicut et coetera minime formidavit, ita ut plerique de canonicis inopia coacti diffugerent et ecclesiam cui deserviebant dese-
l.11-rerent. Ex eo jam tempore, et divinum officium cȩpit negligentius in ipsa ecclesia celebrari, et res ejus quotidie decidere, et in deterius devenire. Quod ego considerans et maxime dolens non ea qua
l.12 dignum erat honestate ac reverentia famulatum Deo in sȩpedicta ecclesia exhiberi, cȩpi mecum anxius pertractare, si forte possem invenire tales homines, qui et honeste divinum cultum in ipsa ecclesia frequenta-
l.13-rent, et res ad eam pertinentes jam pene annullatas in pristinum vigorem repararent, quorum etiam suffulti orationibus ego scilicet Gervasius, et pater meus Rotbertus, et mater mea Elisabeth, et uxor mea
l.14 Aremburgis, necnon et avus meus Amelinus, et avia mea Hildeburgis, et Gervasius Remorum archiepiscopus, qui locum illum fundaverunt, peccatorum veniam a Domino consequamur et salutem. Itaque adhibito procerum
l.15 meorum et amicorum, necnon et episcopi Cenomannensis domni Ernaldi consilio, rogavi venire ad me domnum Bartholomeum Majoris monasterii abbatem, eumque multis precibus oravi, ut susciperet
l.16 a me in dominium sancti MARTINI hanc de qua loquimur ecclesiam cum omnibus ad eam pertinentibus, constitueretque in ea monachos qui ibi die ac nocte divino cultui diligenter deservirent.
l.17 Quod cum Deo donante apud illum obtinere meruissem, tradidi ei sȩpedictam ecclesiam cum omnibus sibi subjectis rebus de quibus donata usque tunc temporis erat, sicuti illius canonici loci in die illa tenebant,
l.18 et cȩtera cuncta quȩ prius in sua habuit potestate ex quibus per malorum tirannidem despoliata erat, promittens quoque me ei undique vindicaturum et sicut antea habuit in jus suum traditurum.
l.19 Omnia hȩc concessi libera et quieta ab omni consuetudine exactionis vel vicariȩ seu cȩterorum vectigalium quemadmodum majores mei eidem ecclesiȩ legitime contulerunt, ita ut eam sine ulla mea
l.20 vel cujusquam successorum meorum contradictione, congregationi Majoris Monasterii suisque successoribus [cum] abbatibus qui eis pro tempore prȩerunt liceat jure perpetuo possidere. Et quicquid inde agen-
l.21-dum decreverint, liberam potestatem habeant faciendi, ordinandi, et qualitercumque eis placuerit [meliusque] visum fuerit, disponendi tam prȩsentibus quam futuris temporibus, et in arbitrio supradicti abbatis
l.22 et eorum qui ei successuri sunt qui abbates Majoris monasterii fuerint, pendeat de numero et qu[antitat]e illorum fratrum qui ad prȩdictum locum sunt transmittendi. Hanc autem donationem feci consensu
l.23 et auctoritate matris mȩe, omniumque fratrum meorum et canonicorum ipsius loci omnium. Quȩ ut stabilis et inconvulsa in perpetuum existeret, nec deinceps sibi ab aliquo calumniam inferri pertimesceret,
l.24 ego Gervasius et canonici ejusdem loci, materque mea et fratres mei, ut libentius firmiusque auctori[zaremus], de supradictis monachis Sancti videlicet Martini tantum singuli accepimus,
l.25 ego Gervasius IIIIor milia solidorum, mater mea Elisabet C solidos, Adam X libras, Rotbertus X libras, Gervasius clericus C solidos, [colonne1] Ursus canonicus XL solidos, Haimo canonicus XXX, Rannulfus canonicus XL solidos, Odricus canonicus XXX solidos, Guido canonicus XL solidos, Fulcodius canonicus LX solidos, Gualterius canonicus XX solidos, Herbertus canonicus XL solidos, Teduinus canonicus XL solidos, Witernus canonicus XV solidos, Guarnerius canonicus XX solidos. [colonne2] Nomina monachorum qui locum receperunt, Bartholomeus abbas, Fulchardus monachus, Gualterius monachus, Ernaldus monachus, Adraldus monachus, Ansegisus monachus, Guillelmus monachus, Girulfus de Relliaco clericus, Guarinus clericus, Boselinus clericus. [colonne3] Testes hujus rei, Hilduinus Drudis, Drogo de Semmuro, Suavis calvus, Hamelinus Espinardus, Rotbertus de Acrisilva, Gilduinus miles, Drogo de Curtiran, Guillelmus de Mangiaco, Bencelinus senescalcus, Guarinus filius Ainerii, Hugo de Flaeiaco, [colonne4] Girardus camerarius, Rotbertus Piellus, Giraldus cellararius, Rodulfus Toetus, Belinus de Marson, Hubaldus vicarius, Andreas telonearius, Gausfredus Loupes, Gundrannus forestarius, Guarinus filius Huberti, Vivianus de Papia, [colonne5] Rodgerius cambiator, Gausfredus de Guulardo, Gausfredus pellitarius, Frodelenus pellitarius, Tetbaldus Belsiovenus, Ulricus de Relliaco, Gualterius Battestan, Herbertus prepositus, Guarnerius major, Bernardus major, Ingelbaldus de Ponte, [colonne6] Tetbaldus coquus, Durandus mariscalcus, Petrus coquus, Obelinus filius Hervei, Otgerius famulus, Durandus calvus. Testes de auctoramento Arburgis, uxoris Gervasii, Bencelinus senescalcus, Hugo Frigida Coralia, Gualterius filius Arburgis, Guarnerius camȩrarius.
l.26 Hoc autem notum sit omnibus quod de denariis domni Gervasii quos ei dedimus, suos canonici denarios acceperunt.

1