Lambert, évêque de Langres, donne en précaire des biens à Ambilly au comte Humbert, à Amédée et Bouchard, ses fils.

l.1 [chrisme] IN NOMINE PATRIS ET FILII ET SPIRITUS SANCTI. ȩcclesiarum Dei possessiones, catholice [...] liberalitate crevisse, nemini sane intelligenti fore igno-
l.2-tum dinoscitur. Devotio quippe eorum cȩlestibus ambiens ditari honoribus, Christum heredem suis effici maluit terrenis portionibus, quibus admodum fines
l.3 aecclesiarum dilatati, non solum pauperum necessitatibus verum etiam divitum impertiuntur utilitatibus. Unde Christi nomen benedictum Verbique laudatur et earum termini la-
l.4-tius amplificantur. Quapropter ego L. sanctȩ Lingonensis ȩcclesiae Christo miserante pontifex institutus, portionem ejusdem ȩcclesiae quibusdam viris fidelibus trado, ut viventes suȩ
l.5 fidelitatis devotionem nobis exhibeant, et decedentes hereditate sua portionem nostram amplificatam nobis relinquant. Hoc igitur notum fieri cupio clericis et laicis,
l.6 presentibus et futuris deprecatione B. Lugdunensis archiepiscopi : quandam potestatem sancti Mammetis Ambiliacum dictam, et in Genevensi territorio
l.7 sitam, cuidam nostro amico, Humberto comiti et duobus heredibus filiis ejus, quorum unus dicitur Amedeus et alter Burchardus episcopus, per pre-
l.8-cariae donationem trado, cum omnibus quae ad eam pertinent terris cultis et incultis, vineis, pratis, silvis, aquis aquarumque decursibus, ȩccle-
l.9-siis, et molendinis, et ceteris appenditiis exceptis decem mansis quos sibi destinet Ermengardis regina. Istud itaque ea ratione predicto comiti et
l.10 duobus filiis jamdictis post ipsum concedo, ut ȩcclesiam sui juris quam possidentes in comitatu Genevensi et pago Albonensi in villa quȩ dicitur
l.11 [...] X mansos terrȩ valentem conferunt ipsi cum precaria teneant, et triginta solidos Lingonensium de-
l.12-nariorum singulis annis in die festo sancti Mammetis persolvant. Si vero hic census aliquo anno seu neglegentia seu aliqua occasio-
l.13-ne persolutus non fuerit, anno sequenti modo persolvatur duplici. Post obitum vero patris et filiorum, potestas ipsa cum rebus
l.14 ad se pertinentibus et cum ȩcclesia in dotem precariae data, dominio sancti Mammetis et mei si vixero, seu meorum successorum sine
l.15 contradictione restituatur et libera potiendi facultas habetur. Cujus conventionis cautio[nem] hujus cartulȩ apicibus me-
l.16-moriȩ commendare decerno, et eam manu propria firmo et manibus [.....orum] et laicorum presentium firmatam corroboro. [colonne1] [monogramme] episcopus signavit. Girardus archidiaconus [subscripsit]. [colonne2] Ansculfus presbiter [subscripsit]. Constantius presbiter [subscripsit]. Arnulfus presbiter [subscripsit]. Dares presbiter [subscripsit]. Mauricius presbiter [subscripsit]. [colonne3] Gotzelmus levita [subscripsit]. Berno levita [subscripsit]. Hugo levita [subscripsit]. Leuzelinus levita [subscripsit]. [colonne4] Wido [subdiaconus subscripsit]. Albericus subdiaconus [subscripsit]. [colonne5] Marfredus puer [subscripsit]. Constantinus puer [subscripsit]. Hugo puer [subscripsit]. Widricus puer [subscripsit]. [colonne6] Wido laicus [subscripsit]. Rotgerrius filius ejus [subscripsit]. [..udericus] miles [subscripsit].
l.17 Actum Lingonis publice, ano incarnati Verbi MoXXIIo, indictione V, VI idus [aprilis, regnante ...oto] rege [.....]. EGO ODOLRICUS SCRIPSI ET SIGNAVI.