Philippe I^er, évêque de Châlons, et Hugues, comte de Champagne et de Châtillon, son frère, renoncent à tous les droits qu'ils prétendaient détenir sur l'avouerie de l'abbaye Saint-Basle [de Verzy].

l.1 IN NOMINE SANCTE ET INDIVIDUE TRINITATIS PATRIS ET FILII ET SPIRITUS SANCTI. Noverit christianȩ religionis fidelis et beata devotio, noverint prensentes cum eo quem fecit dominus et nascetur
l.2 populo, quod ego PHILIPUS, gratia Dei Cathelonensis episcopus, comitis quidem Tetbaldi ex domina Alaide comitissa carnalis filius, sanctȩ vero Remensis ȩcclesiȩ spiritualis alumpnus, dominus-
l.3-que Hugo comes, frater meus, in abbatia Sancti BASOLI quȩ est in territorio Remensi sita, quorumdam nostrorum instinctu deberi nobis quasdam consuetudines intellexeramus,
l.4 sed et advocationem ejusdem abbatiȩ nobis astipulabamus. Hanc GUIDO domni Manassȩ filius a nobis requisivit, quam sibi reddi jure militari nobis collibuit,
l.5 super qua re multum molestati, scilicet domnus abbas BURCARDUS cum fratribus ejusdem cenobii nostram pariter adierunt presentiam, fierique sibi a nobis et per nos
l.6 maximam questi sunt injuriam. Deinde prolatis auctoritatibus apostolicis cum regalibus institutis non solum ab hac, sed et ab omni qualibet exactione sanctum
l.7 locum monstraverunt immunem, sanctique confessoris familiam nulli prorsus subdi debere, preter loci ipsius abbatem. His ergo visis et perlectis, partim ne videremur
l.8 contraire sedis apostolicȩ decretis et auctoritatibus regiȩque majestatis testamentis et institutionibus, partim pro spe salutis nostrȩ nostrorumque et ut anniversaria
l.9 commemoratio dissolutionis nostrȩ, nostra scilicet nostrique patris ac matris fratrumque perhennis sit, eidem domui sanctȩ sed et abbatis prefati precibus oportunis et importunis
l.10 devicti competenter, ipso Guidone nichilhominus nobis reddente sanctoque loco necnon prefato abbati justitiam primitus exequente, remisimus Deo ipsique abbati
l.11 perpetualiter. Ut autem hujus remissionis nostrȩ pagina tam prȩsentibus quam futuris temporibus maneat inconcussa, sub obtestatione divini nominis
l.12 obtestamur ut nullus quilibet deinceps, neque nostrȩ successionis hereditatisque liberalis successor, neque cujuscumque dignitatis ac nobilitatis alius possessor consu-
l.13-etudines quaslibet quasi nostro jure vel eam de qua loquimur advocationem rem vadat et quod remisimus repetere presumat. Ego quoque hujus
l.14 diffinitionis contemptorem auctoritate pontificali a liminibus sanctȩ Dei ȩcclesiȩ et a sacratissimo corpore et sanguine domini nostri Jhesu Christi sequestro cum
l.15 Juda traditore ipsius domini nostri puniendum in examine futuro. Et ut nostrȩ diffinitioni nulla firmitas desit, sigilli nostri impressione signavimus
l.16 nominisque nostri nostrorumque subscriptione firmavimus. [croix] Signum ejusdem Philippi episcopi. Signum Lamberti Attrebatensis episcopi. Signum Hugonis Suessonensis
l.17 episcopi. Signum Elinandi Laudunensis episcopi. Signum Ingelranni archidiaconi Suessonensis. Signum Rotdulfi prepositi Remensis. Signum Levini decani. Signum
l.18 Richeri cantoris. Signum Odalrici archiscoli. Signum Ymmari Cathelonensis archidiaconi. Signum Odonis archidiaconi. Signum Rotgeri
l.19 scolastici. Signum Hugonis canonici. Signum Rotberti abbatis Sancti Remigii. Signum Rotberti comitis Flandrensis. Signum Hugonis comitis Regis Testis. Signum Guido-
l.20-nis filie Manassȩ. Signum Heriberti Badranni. Signum Dudonis vicecomitis Maroili. Signum Guillelmi Mosomensis prepositi. Signum Erlaudi vicedomini Remensis.
l.21 Actum Cathelonis et recitatum Remis, in presentia domni Manasse archiepiscopi coram prefatis testibus anno dominicȩ incarnationis millesimo LXXXXVIo,
l.22 indictione IIIIa. Signum [croix] Hugoni comitis.
l.23 [sceau].