Charles le Chauve, roi des Francs, confirme un échange de manses situés dans le pagus de Beaune, entre le comte Guérin et Ougier.

l.1 [chrisme] [notes_tironiennes] IN [NOMINE] SANCTAE [ET INDIVIDUAE TRINI]TATIS, KAROLUS, GRATIA DEI REX. SI ENIM EA QUAE FIDELES REGNI NOSTRI PRO EORUM OPORTUNITATIBUS INTER SE COMMUTAVERINT NOSTRIS CONFIR[MAMUS EDICTIS, REGIAM]
l.2 consuetudinem [e]xerce[mus]. Itaque notum sit omnibus fidelibus sanctae Dei ecles[iae ac nostris], presentibus scilicet atque futuris, quia dilectus et amabilis nobis comes, vir illuster Werinus, culminis nostri adiens subli[mitatem, innotuit qualiter ipse et]
l.3 Odulg[arius quasdam re]s pro ambarum partium oportunitate [inter] se commutassent. Dedit namque memoratus Weri[nus] comes ex ratione sanctae Mariae partibus jamdicti Odulgarii in p[ago Belnensi, ...?...u man]sum unum Rada[u....]
l.4 vo[catur] Veronna, et in alio loco in eodem pago, in villa q[uae dicit]ur Cortis Geingulfi, mansa quattuor, et in tertio loco [in eodem] pago, in villa quae dicitur Puteolus, mansum unum. [Et e con]tra, in compensatione ejusdem meriti [dedit prae]dictus
l.5 Odulgarius et uxor sua Beliardis, in jus ecclesiasticum ad h[a]bendum, partibus sanctae Mariae vel Vuerini comitis, de eorum proprio, mansa duo et villarem unum cum farinario, in jamdicto pago, [in vi]lla quae vocatur Bullientes, et in alio loco in eodem p[ago, in villa]
l.6 quae vocatur Torciacus, mansum unum, et in tertio loco in ipso pago, in villa quae dicitur Cancelladus, mansa duo, et in alio loco in eodem pago, in villa quae voc[atur ..... mans]a duo, et in alio loco in jamdicto pago, in villa quae d[icitur]
l.7 Calciacus, octavum mansum et alias quasdam res, et in alio loco in eodem pago, in villa quae vocatur Orcadus, mansum unum, et in eodem pago, in loco qui dicitur [..]asinarias, mansu[m unum]. Unde et duas commutationes pari tenore conscriptas manibusque
l.8 bonorum hominum roboratas nobis ad relegendum obtulit, sed pro integra firmitate petiit celsitudinis nostrae preceptum desuper fieri. Cujus ergo preces assensum prebentes, hoc altitudinis nostrae preceptum fieri jussimus, per quod precipimus
l.9 atque firmamus ut quicquid pars juste et rationabiliter alteri contulit parti, sicut in jamdictis commutationibus plenius continetur, jure firmissimo teneat atque possideat. Et ut haec nostrae auctoritatis preceptio pleniorem semper [in Dei]
l.10 nomine obtineat vigorem, de anulo nostro subter eam jussimus sigillari.
l.11 [chrisme] [notes_tironiennes] GISLEBERTUS NOTARIUS AD VICEM HLUDOVUICI RECOGNOVIT ET [ruche_notes_tironiennes] [subscripsit indignus diaconus. Werinus et Geilo clericus ambasciaverunt] [sceau].
l.12 Data VI kalendas martii, anno XII, indictione XV, regnante Karolo glorioso rege. Actum Karisiaco villa regis palatii. In Dei nomine, feliciter. Amen. [Amen].

LEX (Léonce), Archives de la Saône-et-Loire. Documents originaux antérieurs à l'an mille, Chalon-sur-Saône, Marceau, 1888, (Archives de Saône-et-Loire) ou Mémoires de la Société d'histoire et d'archéologie de Chalon-sur-Saône, 1888, p. 4-5, n° 3.

JUSSELIN (Maurice), Notes tironiennes de quelques diplômes de Charles le Chauve, in BEC, t. 98 (1937), p. 13-16, p. 14.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 385-387, n° 146.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 37 (fac-similé).