Henri II, empereur, donne les biens de Kunheim au monastère d'Erstein.

l.1 [chrisme] IN NOMINE SANCTAE ET INDIVIDUAE TRINITATIS, HEINRICUS, DIVINA FAVENTE CLEMENTIA ROMANORUM IMPERATOR AUGUSTUS. SI VENERABILIA AECCLESIARUM DEI LOCA ALICUJUS DONI
l.2 commodo ditare ac sublimare studuerimus, nobis id regnique nostri statui profuturum esse minime dubitamus. Quapropter noverit omnium Christi fidelium nostrorumque universitas, qualiter nos pro remedio animae nostrae parentumque nostrorum
l.3 necnon per interventum ac peticionem dilectissimae conjugis nostrae Cunigundae videlicet imperatricis augustae cuidam monasterio Erenstein dicto in honore sanctae Mariae semper virginis sanctaeque Ceciliae martiris constructo,
l.4 cui venerabilis abbatissa Hildigart preesse videtur, quoddam nostri juris predium Chuonenheim dictum justo atque legali judicum judicio nobis acquisitum, situm in pago Alsaciae in comitatu vero Ottonis comitis, cum omnibus ejusdem predii, pertinen-
l.5-tiis, agris, areis, aedificiis, terris videlicet cultis et incultis, curtificiis, mancipiis utriusque sexus, pratis, pascuis, silvis, venationibus, aquis aquarumve decursibus, piscationibus, molendinis, viis et inviis, exitibus et reditibus, quesitis et inquirendis
l.6 ceterisque omnibus que quomodocumque nominari vel scribi possunt utilitatibus ad ipsum predium pertinentibus per hanc nostram imperialem paginam concedimus atque largimur et de nostro jure ac dominio in ejus jus et dominium omnino transfundi-
l.7-mus, ea videlicet ratione ut predicta abbatissa sibique posthinc succedentes liberam habeant de eodem predio potestatem quicquid eis placuerit ad usum aecclesiae faciendi, omnium hominum regni nostri contradictione
l.8 remota. Et ut haec nostrae ingenuitatis auctoritas stabilis et inconvulsa omni posthinc permaneat tempore, hoc preceptum inde conscriptum manu propria confirmantes sigilli nostri inpressione jussimus insigniri.
l.9 SIGNUM DOMNI HEINRICI ROMANORUM INVICTISSIMI [monogramme] IMPERATORIS AUGUSTI.
l.10 GUNTHERIUS CANCELLARIUS VICE ARIBONIS ARCHICAPPELLANI RECOGNOVIT [sceau].
l.11 Data II NONAS NOVEMBRIS, indictione VIa, anno dominicae incarnationis millesimo XXoIIIo, anno vero domni Heinrici secundi regnantis XXoIIIo, imperii autem X. Actum Strazburc. Feliciter. Amen. Amen. Amen.

BRESSLAU (H.), Die Urkunden Heinrichs II. und Arduins, Hanovre, 1900-1903 (MGH Diplomata regum et imperatorum Germaniae, 3), n° 499.

Chartes originales du Bas-Rhin in Cahiers du CRAL, n° 35, p. 69-70.