Irimfridus donne à l'Église de Strasbourg, différents biens situés dans le Brisgau, dans la marche de Forschheim et d'Endingen.

l.1 In nomine sanctae et individuȩ Trinitatis. Pateat Dei fidelibus universis, quod ego Irimfridus ob timoris divini intuitum et aeternae remunerationis fructum,
l.2 quicquid praedii visus sum habere in marcha Forechheim et Endingun in pago Brisichgeve comitatu Diethelmi in campestribus agris, vinetis, pratis, aquis aquarumque
l.3 decursibus, viis et inviis, cultis et incultis, cum omni integritate ad basilicam Sanctȩ Mariȩ infra urbem Strazburc constructam, ubi venerabilis praesul Erchanbaldus prȩesse
l.4 dinoscitur, in jus fratrum ibidem domino famulantium manu legalis advocati mei Burchardi, suscipiente Adalberto cleri advocato, translegavi ac firmiter contradidi eo videlicet
l.5 tenore, ut ego ipse possideam usque ad finem vitȩ meȩ, postquam autem hac corruptibili resolvor carne, praedictus praesul habeat hujusmodi conditione, ut quotannis anniversario
l.6 obitus mei die modios frumenti II, frisgingas porcinas III, situlas vini VI fratribus tradat. Cujus vitȩ mortalis tempore finito Aldericus possideat eodem pacto.
l.7 Post hunc etiam in fratrum arbitrio consistat, ut, quem communi elegerint consensu, ejusdem constitutionis teneat censu. Si quis vero, quod fieri minime
l.8 credo, vel ego ipse seu aliqua hȩredum meorum persona traditionem istam a me legaliter factam infringere seu qualibet fraude corrumpere
l.9 temptaverit, ob nefandi conaminis ausum III libras auri ad regis ȩrarium et XXX pondera argenti ad cameram volens nolens persolvat episcopi
l.10 et haec translegatio nihilominus stabilis perseveret et fixa stipulatione subnixa. Actum est publice, in prȩfata civitate,
l.11 testibus subnotatis: Signum Adalberti advocati. Signum Anshelmi. Signum Zuzonis. Signum Reginbaldi. Signum Burchardi. Signum Ezonis. Signum Anshelmi.
l.12 Signum Berenhardi. Signum Erlene. Signum Vuirandi. Signum Gunzilini. Signum Geroldi. Signum Zeizolvi. Signum Vuazelini. Signum Emichonis. Signum Diezelini.
l.13 Nomina fratrum ad praesens manentium: Heimo prepositus, Aldericus archidiaconus, Reginbaldus, Grimine, Adalbero, Volmar, Anno, Duodo,
l.14 iterum Adalbero, Manegolt, Vuolvolt, Vuicman, Heimo. Ut autem hec rata permaneant, inpressione sigilli majoris ȩcclesiȩ Argentinensis insigniri feci.
l.15 [sceau].

1

WIEGAND (Wilhelm), Urkundenbuch der Stadt Strassburg, 7 vol., Strasbourg, 1879, t. 1, p. 38-39, n° 49.

WENTZCKE (P.), Regesten der Bischöfe von Strassburg bis zum Jahre 1262, 1 vol., Innsbruck, 1908, t. 1, p. 254, n° 184.

Chartes originales du Bas-Rhin in Cahiers du CRAL, n° 35, p. 52-53.