Dietbaldus donne à l'Église de Strasbourg des biens situés dans la marche d'Achenheim ; il en garde l'usufruit moyennant un cens annuel.

l.1 In Christi nomine. Notum omnibus ac nemini constet incognitum, qualiter ego Dietbaldus cogitavi pro intuitu timoris domini atque pro remedio animȩ mȩ ac conjugis meȩ
l.2 Adalgardȩ liquido confisus, quia, quisquis loca divino cultui mancipata propriis ex rebus auxerit, emolumentum ȩternȩ retributionis sibi inde adquirit. Qua de re
l.3 ego itaque prȩfatus Dietbaldus divina ut credo inspiratione conpunctus, simul cum manu senioris mei Hugonis tradidi rem proprietatis meȩ ad sacrosanctam domum
l.4 Dei genitricis semperque virginis Mariȩ, infra Argentinensem civitatem constructam, cui vir venerabilis Otpertus preesse videtur episcopus, hoc est in marca Achenheim nuncu-
l.5-pata de terra arabili jurnales in uno loco pariter conjacentes XXX et in alio XX, quos precios adquisivi de filiis Samuelis, illis videlicet fratribus ibidem domino
l.6 famulantibus perpetualiter sub usu fructuario utendam, in ea ratione et eo condictu ut post hanc factam traditionem ego ipse et prefata uxor mea atque communes
l.7 filii filiȩve nostrȩ necnon et legitima procreatio eorum ad tempus vitȩ omnium nostrum ipsam proprietatem teneamus atque possideamus, censum inde ad festivitatem sancti
l.8 Martini XVI denarios persolventes annis singulis camerario fratrum. Tunc demum post cunctorum nostrorum decessum supradictȩ res ad jamdictam ȩcclesiam
l.9 cum omni integritate redeant, ut pretitulati servi Dei vel successores eorum faciendi exinde quod voluerint liberam ac firmam in Dei nomine nomine in omnibus
l.10 habeant potestatem. Si quis vero quod fieri minime credo ego ipse aut aliquis de heredibus meis seu quȩlibet opposita persona contra hanc cartam
l.11 hujus traditionis a me factam venire vel eam inrumpere temptaverit, tunc inferta precriptȩ domui Dei ejusque rectoribus tenore rectitudinis
l.12 cogente auri unceas VI argenti pondera totidem, et hȩc coactus exsolvat, et quod repetit evindicare non valeat, sed hȩc presens traditio omni tempore
l.13 firma et stabilis permaneat stipulatione subnixa. Actum publice in civitate suprascripta data die dominico pridie nonas februarii anno
l.14 regnante Ludovuico X, indictione XIII, coram testibus subnotatis. Signum Hugonis qui istam traditionem mecum fecit. Signum Dietbaldi qui hanc
l.15 cartam scribere rogavi. Signum Rihboldi. Signum Sigibodonis. Signum Ruodoni. Signum Erlini. Signum Regingeri. Signum Gundberti. Signum Vuadharii.
l.16 Signum Drudheri. Signum Milonis. Signum Gundichonis.
l.17 Ego itaque Ecgihardus cancellarius rogatus scripsi et [subscripsi].
l.18 Item alii testes qui presentes fuerunt, quando illam rem pretio adquisivi: Nandvuic, Oudalher, Engibold, Diethelm, Hildeman, Zeizo,
l.19 Bero, Adalvuart, Gotezo, Benzo, Folrat, Suneman.

1

WIEGAND (Wilhelm), Urkundenbuch der Stadt Strassburg, 7 vol., Strasbourg, 1879, t. 1, p. 29-30, n° 37.

BRUCKNER (Albert), Regesta Alsatiae aevi merovingici et karolini, 496-918, t. 1 : Quellenband, Strasbourg-Zurich, 1949, p. 402, n° 669.

Chartes originales du Bas-Rhin in Cahiers du CRAL, n° 35, p. 41-42.