Lothaire, empereur, à la demande de l'abbesse Basilla, confirme les privilèges et immunités de l'abbaye Saint-Étienne de Strasbourg.

l.1 IN NOMINE DOMINI NOSTRI JHESU CHRISTI DEI ETERNI, HLOTHARIUS, DIVINA ORDINANTE PROVIDENCIA IMPERATOR AUGUSTUS.
l.2 Decet nobis et quam maxime dignum est, ut rebus ad curam ordinacionemque nostram pertinentibus prodesse studeamus et procerum nostrorum sive etiam quorum-
l.3-cumque fidelium libenter peticiones implemus, ut que nobis divinitus instituta lege conjuncta est et cui singularem pre omnibus dilectionem affectumque
l.4 debemus, mansuetudinis nostre tribuamus assensum atque ea, que juste suggerit, pro reverentia superni inspectoris et ipsius conjugii caritate effectui man-
l.5-cipemus. Proinde cunctorum fidelium sancte Dei ecclesie et nostrorum presentium futurorumque volumus prodesse sollercie, quia dulcissima et dilectissima conjux
l.6 nostra Hirmengarda augusta pro amore Christi et sustentatione ancillarum Dei in rebus suis propriis, quas a nobis nomine dotis accepit, hoc est in villa, cujus
l.7 vocabulum est Herinstein, que sita est in comitatu Helisacensi super fluvium Hilla monasterium a fundamentis edifficare proposuit, quatenus inibi ancillarum Dei
l.8 congregatio assidue divinis obsequiis famulari ac pro nobis et ipsa totiusque regni nobis commissi salute divinae clementie videat supplicare. Cujus votis ac desideriis nobis
l.9 libenter annuere placuit, ut, quoniam hanc ejus voluntatem divinitus inspiratam confidimus, qualiter perficiatur auxiliante largitore bonorum omnium exequamur.
l.10 Igitur concedimus ad supradictum locum congregationemque sanctimonialium inibi per Dei adjutorium futuram quandam villam juris nostri, que vocatur Gras-
l.11-vuilere, cum omnibus adjacenciis et appenditiis suis, hoc est cum domibus, aedificiis, ȩcclesiis, agris, vineis, pratis, pascuis, silvis, farinariis, aquis aqua-
l.12-rumve decursibus, mobilibus et immobilibus ac suppellectilibus atque mancipiis utriusque sexus. Sed et in alio loco, qui Villaris dicitur, in marcha supra-
l.13-dicte ville Herenstein super fluvium Renum mansos quatuor ad comitatum Helisacensem pertinentes cum appenditiis suis ad memoratam villam et monasteri-
l.14-um inibi construendum congregationemque ancillarum Christi et eorum stipendia tradidimus atque de jure nostro in jus et dominationem ipsius dilectissime
l.15 conjugis nostre transfudimus. Igitur adhuc quicquid ex ipsis rebus agere vel ordinare ad usus construendi monasterii ancillarumque
l.16 Dei stipendia voluerit, jure hereditario ordinet atque disponat absque ulla penitus contradictione. Et ut hec traditionis nostre
l.17 auctoritas firmissimum perpetuis temporibus vigorem obtineat, manu propria subter eam firmavimus et anuli nostri impressione sigillari
l.18 precepimus.
l.19 SIGNUM [monogramme] HLOTHARII SERENISSIMI AUGUSTI.
l.20 Data VIII IDUS septembris, anno Christo propicio imperii domni Hlotharii pii imperatoris in Italia. Actum in Romarici Montis
l.21 palatio regio. In Dei nomine, feliciter. Amen.

1

BRUCKNER (Albert), Regesta Alsatiae aevi merovingici et karolini, 496-918, t. 1 : Quellenband, Strasbourg-Zurich, 1949, p. 333, n° 532.

SCHIEFFER (Th.), Die Urkunden Lothars I. und Lothars II., Berlin-Zurich, 1966 (MGH Diplomata Karolinorum, 3), p. 251-253, n° 106.

Chartes originales du Bas-Rhin in Cahiers du CRAL, n° 35, p. 32-33.