Hugues, archevêque de Lyon, confirme à l'abbé et aux chanoines de Saint-Ruf la possession de l'église Notre-Dame [de la Platière] et des églises de Saint-André-de-Corcy, de Saint-Marcel, de Notre-Dame de la Boisse, avec les chapelles de Girieu et Montluel et de l'église de Saint-Julien de Condeyssiat qui dépendent de ladite église Notre-Dame.

l.1 Notum sit omnibus Lugdunensis ȩcclesiȩ filiis tam futuris quam presentibus, me Hugonem Lugdunensem archiepiscopum, Clementi abbati et monachis de Insula Barbara
l.2 et Arberto abbati sancti Ruphi suisque canonicis, de ȩcclesia sanctȩ Mariȩ, quȩ constructa est in suburbio Lugdunensis civitatis supra ripam Araris ab oriente, et de
l.3 cȩteris ad eam pertinentibus, videlicet de ȩcclesia sancti Andreȩ cum capella quȩ est in castro Corziaci, et de ȩcclesia sancti Marcelli cum integris parrochiis suis, et de ȩcclesia
l.4 sanctȩ Mariȩ de Buxa, cum integra parrochia sua, videlicet cum capella de Giriaco, et cum capella de Monte Loello, apud Lugdunum placitum dedisse. In quo
l.5 placito causis ex utraque parte diligenter examinatis, fratres nostri episcopi videlicet Landricus Matisconensis, et Valterius Cabilonensis, Hugo Gra-
l.6-cianopolitanus, et Jarento Divionensis abbas, in presentia nostri et Gibilini Arelatensis archiepiscopi et utriusque abbatis videlicet Arberti sancti Ruphi,
l.7 et Clementis de Barbara Insula inter quos calumpnia agebatur, et canonicorum nostrorum scilicet Arberti archidiaconi, Bladini decani, Girini capellani
l.8 nostri, Berardi Orselli, Stephani de Portu et multorum aliorum canonicorum in claustro residentium judicaverunt atque diffinierunt, quod
l.9 omnes supradictas ȩcclesias, Arbertus abbas sancti Ruphi atque canonici, propter donationem et investituram, quam beatȩ memoriȩ Gibuinus
l.10 Lugdunensis archiepiscopus, ȩcclesiȩ sancti Ruphi cum consilio et auctoritate mea fecerat, qui tunc temporis eram Diensis episcopus, et in his
l.11 partibus apostolicȩ sedis legatus, omni sopita querimonia tenerent, atque jure perpetuo possiderent. Nos vero donationem domni Gibuini prefati
l.12 archiepiscopi, et judicium tantorum virorum prosequentes, supradictas ȩcclesias salva ȩcclesiȩ nostrȩ reverentia atque oboedientia, Arberto abbati sancti
l.13 Ruphi suisque successoribus atque canonicis concedimus atque laudamus, et litteris presentibus confirmamus. ȩcclesiam vero sancti Juliani
l.14 fundatam in territorio quod dicitur Condoisieu ad prenominatam ȩcclesiam beatȩ Mariȩ, dono domni Gibuini venerabilis archiepiscopi eodem
l.15 modo pertinentem, ȩcclesiȩ sancti Ruphi concedimus atque laudamus.
l.16 Hȩc carta facta est Lugduni decimo kal. julii, anno ab incarnatione Domini millesimo nonagesimo IIo.
l.17 Hujus autem carte testes et laudatores sunt hii: Bladinus decanus, Arbertus archidiaconus, Almannus camararius, Girinus capellanus,
l.18 Berardus Orsellus, Aino, Bovo, Godo canonicus et archipresbiter.
l.19 [sceau].