Burcard, archevêque de Lyon, confime les biens et privilèges de l'abbaye de Savigny.

l.1 [chrisme] PASTORALIS CURAE SOLLERTIA INSUDANDUM EST EPISCOPIS UT GREX SIBI COMMISSUS AD ALTIORA CONSCENDENS, SEMPER AD MELIORA PROFICIAT ET PROFICUIS NE IN ALIQUIBUS DEFICIAT JUGITER ALATUR UTILITATIBUS.
l.2 Quocirca notum sit aecclesiae filiis quod anno DCCCCXLVIIII incarnationis domini nostri Jhesu Christi, indictione VII, XVIII kalendarum septembrium, die videlicet Assumptionis genitricis filii Dei, dum
l.3 residerem ego Purcardus, quamquam indignus episcopus ordine solito in fratrum capitulo, de publica utilitate tractantium, adstitit inter eos coenobii Saviniacensis in honore sancti Martini
l.4 dicati, a prȩdecessore nostro domno Wuidone subrogatus abbas nomine Badinus numero narrans desolationem ipsius coenobii qualiter videlicet et a tyrannis pervasum et a regula
l.5 desistens, et ab Ungris succensum nullum penitus antiquorum quo fidere posset haberet testamentum vel privilegium. Vereri se dicebat namque ne forte post vocationem debitam
l.6 labor regularis a se inibi diu exhibitus adnullaretur ut olim contigit aliqua occasione in posterum. Cujus petitioni assensum debere preberi fratres ortantes, privilegium nostrae
l.7 parvitatis sed tamen episcopalis auctoritatis prelibato coenobio libenter concessimus; hoc in illo jubentes inseri ut honor antiquus illius ac regularis salva subjectione sanctae matris
l.8 Lugdunensis aecclesiȩ in ipso firmiter inviolabiliterque servetur et perseveret, ut amodo et deinceps monachi sub regulare abbate inibi Deo militantes omnes res quas modo possident
l.9 vel actenus possederunt seu etiam inantea Domino juvante adquirere valuerint absque alicujus contradictione vel successorum nostrorum subtractione ac diminutione vel iniquorum
l.10 hominum invasione quiete possideant et juste utantur, ut pro nobis et pro omnibus antecessoribus vel successoribus nostris jugiter Domini misericordiam implorare non desistant
l.11 nullusque successorum nostrorum novi aliquid injustumque inponere presumat, nec mansionaticos illicitos, nec ex occasione itineris molestiam eis inferre adtemptet, nec ullo umquam
l.12 tempore abbatem in ipso monasterio nisi per eorum commune consilium et electionem spontaneam inponere temere presumat, sed quiete et cum securitate, absque alicujus
l.13 violentia vel inpedimento liceat eis Domino fideliter deservire. Prȩfatum vero abbatem quem ipsi monasterio decessor noster preposuit ut secundum beati Benedicti regulam ibi preesse
l.14 deberet nostra pontificali auctoritate in eo loco confirmamus ut nisi forte, quod absit, suis exigentibus culpis omni tempore vitae suȩ officium inibi fungat abbatis. Post ejus quoque
l.15 obitum prefati monachi monasticam et regularem obtineant omni tempore electionem in eligendum abbatem. Obsecro autem per Dominum Jhesum Christum te beatum successorem nostrum
l.16 tuosque pariter successores et sub invocatione divinȩ majestatis contestor ut pro amore Dei omnipotentis et veneratione beati Martini confessoris Christi in cujus honore prelibatum mo-
l.17-nasterium constat esse fundatum et ceterorum electorum Dei quorum patrociniis jura totius episcopii subjacent hujusmodi dispositionibus nostris assensum prebeatis easque scribtis et auctoritate
l.18 vestra iterato vos confirmare ne pigeat et omni tempore inconvulsum esse permittatis. Si quis autem causa cupiditatis haec statuta quod nullo modo credimus fraternae utilitati
l.19 conlata infringere aut violare presumpserit hunc in tremendo judicio coram superno judice qui vindex est totius injustitiae et coram sanctis omnibus rationem reddere
l.20 atque anathematis discrimine multandum imprecamur. Ut ergo hujusmodi dispositionibus testamentum inviolabile atque inconvulsum per successiones
l.21 temporum habeatur, manu propria illud corroboravimus, manibus etiam fidelium nostrorum roborandum tradidimus.
l.22 [chrisme] Buhorcardus humilis gratia Dei archiepiscopus [subscripsit]. [chrisme] Childebodus episcopus [subscripsit]. Maymbodus episcopus [subscripsit].
l.23 Signum Burchardi archiepiscopi Lugdunensis sedis. Signum Icterii archiepiscopi.
l.24 Signum Rodulfi filii regis. [signum] Andreas prepositus. Subscripsit Hornatus decanus. [chrisme] GOTISCALDUS EPISCOPUS [signum]. [chrisme] ISARDUS EPISCOPUS SUM.
l.25 Signum Vualchaudi episcopi. [signum] Eugendus levita. [chrisme] Pontius levita. [chrisme] Aymo levita.
l.26 Signum [Warn]erius Avennionensis episcopus. [signum] Hector presbiter [subscripsit]. [chrisme] Gontramnus levita [subscripsit]. [chrisme] Nithardus dyaconus [subscripsit]. Heribertus diaconus [subscripsit]. [chrisme] Anscherius presbiter [subscripsit]. [chrisme] Erlulfus peccator [subscripsit].
l.27 [monogramme] [chrisme] Renco dyaconus [subscripsit]. [chrisme] Arnulfus subdiaconus [chrisme]. [chrisme] Johannes dyaconus [subscripsit]. [chrisme] Milo diaconus [subscripsit]. [Subscripsit] Manasses subdiaconus [subscripsit].
l.28 [croix] Ingelardus levita [subscripsit]. [chrisme] Anno diaconus [subscripsit]. [chrisme] Vuitzo levita [subscripsit]. [chrisme] Ailbertus levita [subscripsit].
l.29 Datum per manum Cristani sacerdotis et monachi jussu Eilmari archicancellarii anno XIIII regni Conradi regis Jurensis feria secunda mensis novembris.

1