Roger III, évêque de Châlons, donne à l'église Saint-Memmie les autels de Rouffy, Mutigny et Saint-Hilaire-sur-Moivre, avec leurs dîmes et dépendances.

l.1 IN NOMINE SANCTȨ ET INDIVIDUȨ TRINITATIS, EGO IPSE, TERTIUS ROTGERUS CATALAUNENSIS ȨCCLESIȨ EPISCOPUS, AB INFANTIA IN ȨCCLESIA BEATI STEPHANI NUTRITUS.
l.2 Tempore mei episcopatus prebendam concanonicorum ecclesie Beati Memmii circumquaque desolatam et ad nimiam paupertatis miseriam redactam inveni. Quod nimirum
l.3 insecutione effreni tyrannorum ex parte, partim vero incuria seu desidia neglegentiȩ prelatorum ejusdem ȩcclesiȩ acciderat. Unde vehementissime condolens et studio-
l.4-sissime excogitando ut qualibet ratione ȩcclesiȩ perdita et distracta restituerem elaborans repagulis perturbationum et guerrarum tunc temporis ecclesiis nostris circum-
l.5-quaque ingruentium obsistentibus, nullatenus ejusmodi desiderio satisfacere potui. Tandem Deo suggerente et consulente ad supplementum prebende concanonicorum Beati
l.6 Memmii, ad nimie paupertatis desolationem tunc temporis redactȩ consilium salubre et satis rationabile et a cunctis fidelibus ȩcclesiȩ collaudatum repperiens, altaria ȩcclesia-
l.7-rum quas ȩcclesias canonici Beati Memmii tunc obtinebant, assensu et consilio ȩcclesiȩ fidelium perhempniter deputata, in commune sepedictȩ ȩcclesiȩ canonicis concessi pro
l.8 remedio animȩ meȩ et animarum omnium ȩcclesiȩ Beati Stephani episcoporum tam preteritorum quam futurorum et omnium fidelium Dei defunctorum ut, quamdiu viverem
l.9 memoria mei in ipsa ecclesia ab omnibus haberetur, post mortem vero meam, anniversarius obitus mei dies celebraretur. Ita tamen hanc feci donationem ut de
l.10 unoquoque altari quale debitum ante debebatur ministris episcopi ȩcclesiȩ Beati Stephani per singulos annos solvatur et persona uniuscujusque altaris mortua substituatur
l.11 et alia episcopo presentata nec inde cujuslibet precii suscipiantur mimuscula. Videlicet altare de Sancto Hylario super Meviam cum decimis, terragiis et pertinentiis suis, altare de Monteig-
l.12-neio cum decimis et pertinentiis suis, altare de Rufeio cum decimis et pertinentiis suis. Igitur si quis hoc ausu temerario evertere aut adnichilare presumpserit, excom-
l.13-municetur et non solum anathema fiat, sed etiam anathema maranatha. Signum Rotgeri, episcopi. Signum Hugonis, abbatis ecclesie Sancti Memmii. Signum Girberti. Signum Stephani,
l.14 archidiaconi. Signum Lamberti. Signum Bligeri. Signum Gotcelmi. Signum Arnulfi. Signum Mainaldi. Signum Benedicti. Signum Gincelini. Signum Garneri. Signum Tetmannii. Signum Hugonis, cancellarii qui
l.15 hanc cartam fieri jussit. Guarinus scripsit et subscripsit. Auctum anno incarnati Verbi millesimo nonagesimo primo.
l.16 [sceau].