Louis le Bègue, roi des Francs, donne la villa de Merlaut aux chanoines de Saint-Martin de Tours, à charge de célébration d'anniversaires.

l.1 [chrisme] IN NOMINE DOMINI DEI ȨTERNI ET SALVATORIS NOSTRI JHESU CHRISTI, HLUDOVICUS, MISERICORDIA DEI REX. SI LOCIS DIVINIS CULTIBUS MANCIPATIS EMOLUMENTUM NOSTRAE LARGITATIS IMPEN-
l.2-dimus, id nobis procul dubio ad presentem vitam facilius transigendam et ad aeternam felicius capessendam prodesse confidimus. Quocirca noverit omnium
l.3 fidelium sancte Dei ecclesiae nostrorumque presencium scilicet ac futurorum sollercia quia nos, divina inspiratione tacti ac de eterna remune-
l.4-ratione solliciti, libuit celsitudini nostre ob perpetuam mercedem domni genitoris nostri piȩ memoriȩ Karoli imperatoris augusti ac genitricis
l.5 nostrȩ gloriosȩ videlicet regine Yrmintrudis, sed et nostri, ad basilicam Sancti Martini sitam in suburbio Turonice civitatis et ad ipsius
l.6 ecclesiȩ canonicos, qui ejusdem beatissimi patris jugibus excubiis gloriosum venerantur templum et tumulum, quasdam res et
l.7 mancipia nostre propriȩtatis delegare ac perpetualiter eidem loco et predictis fratribus in proprium conferre, id est
l.8 villam Merlau sitam in pago Camsiacense, super fluvium Vigeram, cum omnibus appendiciis et integritatibus suis ac decimis. Unde hoc nostre
l.9 altitudinis preceptum fieri jussimus ac super sepulcrum ipsius sanctissimi patris manu propria posuimus, quatinus eandem villam cum
l.10 omnibus ad se juste pertinentibus, sicut hic insertum esse cognoscitur, ipsi fratres ad supplenda eorum victus necessaria
l.11 perpetuis temporibus teneant atque possideant, nemine inquietante. Volumus etiam ut jamdicti fratres, diebus dum advixerint,
l.12 diem nativitatis nostre, quȩ est kalendas novembris, et diem unctionis nostre qua per misericordiam Dei in regio culmine sublimati sumus,
l.13 id est VI idus decembris, refectione sibi ex predictis rebus parata, annis singulis observent, et, sicut dictum, est pro genitore et genitrice
l.14 nostra ac fratribus nostris, Karolo scilicet et Karlomanno, sed et nobis conjugeque ac prole vigiliis et missarum sollemniis ex more
l.15 celebratis Domini misericordia cordetenus implorent. Nobis vero Deo propicio ad meliora migrantibus, diem obitus nostri annis
l.16 singulis similiter observare ac pro nobis Dei omnipotentis clemenciam exorare non negligant. Ut autem nostre donationis
l.17 auctoritas firmior habeatur et futuris temporibus ab omnibus diligentius observetur, manu propria subter eam
l.18 firmavimus et anuli nostri impressione assignari jussimus. Petimus etiam ut memoriam Hlotharii fratris nostris similiter
l.19 habere non negligant.
l.20 SIGNUM HLUDOVICI [monogramme] GLORIOSISIMI REGIS.
l.21 [chrisme] VULFARDUS NOTARIUS AD VICEM GOZLENI RECOGNOVI ET S[UBSCRIPSI].
l.22 Datum XII kalendas julii, indictione XI, anno I regni domni Hludovici gloriosissimi regis.
l.23 Actum Turonis monasterio Sancti Martini. In Dei nomine, feliciter. [Amen].

ligne 8 : "ac decimis" est un ajout.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 403, n° 7.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 8, pl. 30/1 (fac-similé).

GRAT F.-DE FONT-REAULX J.-TESSIER G.-BAUTIER R.H, Recueil des Actes de Louis II le Bègue, Louis III et Carloman II, rois de France (877-884) (Chartes et Diplômes relatifs à l'Histoire de France), Paris, 1978, p. 28-33, n° 12.

LAUER (Philippe), Les deux copies figurées du dîplôme des fondations de Louis le Bègue à Saint-Martin de Tours, in Mélanges Félix Grat, t. 2, p.., p. 72-74.