Louis le Bègue, roi des Francs, donne la villa de Merlaut aux chanoines de Saint-Martin de Tours, à charge de célébration d'anniversaires.

l.1 [chrisme] IN NOMINE DOMINI DEI AETERNI ET SALVATORIS NOSTRI JHESU CHRISTI, HLUDOVICUS, MISERICORDIA DEI REX. SI LOCIS DIVINIS CULTIBUS MANCIPATIS EMOLUMENTUM NOSTRAE LARGITATIS IMPENDIMUS, ID NOBIS PROCUL DUBIO
l.2 ad presentem vitam facilius transigendam et ad aeternam felicius capessendam prodesse confidimus. Quocirca noverit omnium fidelium sanctae Dei ecclesiae nostrorumque, presentium scilicet ac futurorum, sollercia
l.3 quia nos, divina inspiratione tacti ac de aeterna remuneratione solliciti, libuit celsitudini nostrae ob perpetuam mercedem domni genitoris nostri piae memoriae Karoli imperatoris
l.4 augusti, ac genitricis nostrae gloriosae videlicet reginae Hyrmindrudis, sed et nostri, ad basilicam Sancti Martini sitam in suburbio Turonicae civitatis et ad ipsius ecclesiae canonicos,
l.5 qui ejusdem beatissimi patris jugibus excubiis gloriosum venerantur templum et tumulum, quasdam res et mancipia nostrae proprietatis delegare ac perpetualiter eidem loco et predic-
l.6-tis fratribus in proprium conferre, id est villam nostram Merlaum sitam in pago Camsiacinse super fluvium Vigeram cum omnibus appendiciis et integritatibus suis ac decimis quȩ
l.7 in usus cedentur hospitalis nobilium atque pauperum. Unde hoc nostrae altitudinis preceptum fieri jussimus ac super sepulchrum ipsius sanctissimi patris manu propria posuimus, quatinus
l.8 eandem villam cum omnibus ad se pertinentibus, sicut hic insertum esse cognoscitur, ipsi fratres ad supplenda eorum victus necessaria perpetuis temporibus teneant atque possideant,
l.9 nemine inquietante. Volumus etiam ut jamdicti fratres, diebus dum advixerimus, diem nativitatis nostrae, quae est kalendas novembris, et diem unctionis nostrae qua per misericor-
l.10-diam Dei in regio culmine sublimati sumus, id est VI idus decembris, refectione sibi ex predictis rebus parata, annis singulis observent, et, sicut dictum est, pro
l.11 genitore et genitrice nostra ac fratribus nostris, Karolo scilicet et Karlomanno, sed et nobis conjugȩque ac prole vigiliis et missarum sollemniis ex more celebratis
l.12 Domini misericordiam cordetenus implorent, nobis vero Deo propitio ad meliora migrantibus, diem obitus nostri annis singulis similiter observare ac pro nobis Dei omnipotentis
l.13 clementiam exorare non negligant. Ut autem nostrae donationis auctoritas firmior habeatur et futuris temporibus ab omnibus diligentius observetur,
l.14 manu propria subter eam firmavimus et anuli nostri inpressione assignari jussimus. Petimus etiam ut memoriam Hlotharii fratris nostris similiter habere non negligant.
l.15 SIGNUM HLUDOVICI [monogramme] GLORIOSISSIMI REGIS.
l.16 [chrisme] VULFARDUS NOTARIUS AD VICEM GOZLENI RECOGNOVIT ET S[UBSCRIPSIT] [ruche].
l.17 Datum XII kalendas julii, indictione XI, anno I regni domni Hludovici gloriosissimi regis. Actum Turonis monasterio Sancti Martini. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 403, n° 7.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 8, pl. 30/2 (fac-similé).

GRAT F.-DE FONT-REAULX J.-TESSIER G.-BAUTIER R.H, Recueil des Actes de Louis II le Bègue, Louis III et Carloman II, rois de France (877-884) (Chartes et Diplômes relatifs à l'Histoire de France), Paris, 1978, p. 28-33, n° 12.

LAUER (Philippe), Les deux copies figurées du dîplôme des fondations de Louis le Bègue à Saint-Martin de Tours, in Mélanges Félix Grat, t. 2, p.., p. 72-74.