Charlemagne, roi des Francs, donne à l'abbaye Saint-Germain-des-Prés, la villa Marolles située dans le pagus de Melun, sur la Seine, avec les droits de port et de marché.

l.1 [chrisme] [CAROLUS, GRATIA DEI REX] FRANCORUM ET LANGOBARDORUM AC PATRICIUS ROMANORUM, OMNIBUS FIDELIBUS NOSTRIS PRAESENTIBUS ET FUTURIS. QUICQUID ENIM LOCIS VENERABILIBUS OB AMOREM DOMINI ET OPORTUNITATE SERVORUM DEI BENIVOLA DELIBERATIONE CONCEDIMUS, HOC NOBIS AD AETERNAM BEATITUDINEM VEL REMEDIUM ANIMAE NOSTRAE PERTINERE CONFIDIMUS.
l.2 [Quapropter compertum sit] omnium nostrorum magnitudini qualiter donamus ad monasterium Sancti Germani, quod est prope Parisius civitate constructum, ubi ipsius pretiosum corpus quiescit humatum, quod venerabilis vir Hrotbertus abba in regimine habere videtur, donatumque ad eundem sanctum locum et fratribus ibidem degentibus esse volumus. Hoc est villam nostram nuncupate Madriolas, in pago Meledunense, super
l.3 flu[vium Sequana, cum omni in]tegritate sua ad se pertinente vel aspiciente, sicuti a longo tempore et nunc justae et rationabiliter ad eandem visum est pertinuisse, vel sicut moderno tempore Autbertus comes per nostrum beneficium tenere videtur, id est tam terris, domibus, aedificiis, accolabus, mancipiis, vineis, silvis, campis, pratis, pascuis, aquis aquarumve desursibus, mobilibus et immobilibus, et portum quod est inter pagum Senonicum
l.4 et [Meledunensem, ab] Celsiaco villa praefati Sancti Germani usque monasteriolum Sancti Mauricii ex utraque ripa fluminis Sequanae cujuscumque sit terra, ita ut nullus inibi portum vel aque habere nisi jamdicta potestas almi Germani neque teloneum aut rotat[icum] seu vultaticum, cepstaticum, ripaticum vel salutaticum cuiquam accipere liceat ; mercatum quoque omniaque ex omnibus quicquid dici aut nominari potest, ad integrum ad ipsum
l.5 [sanctum locum] ejusque [rect]oribus ac monachis, a die praesente, tradimus perpetualiter ad possidendum. Propterea hanc praeceptionem auctoritatis nostrae conscribere jussimus per quam omnino statuentes decernimus, quod cir[ca] ipsum abbatem vel rectores ipsius ecclesiae perpetualiter volumus esse mansurum, ut nullus quislibet de judiciaria potestate aut de parte fisci nostri aut qualiscumque
l.6 [persona], de praedicta villa Madriolas vel quicquid ad eam aspicit, ipsum abbatem, vel monachos in eodem monasterio consistentes inquietare, vel contra rationis ordinem aut calumniam generare facere non praesumant, sed ab hodierna die actores ipsius mosterii eam habeant, teneant atque possideant, quatenus melius delectet jamdictum abbatem vel ipsos monachos pro nobis uxoreque nostra et filiis
l.7 necnon pro stabilitate regni nostri Domini misericordiam attentius deprecari. Et ut haec auctoritas firmior habeatur vel nostris et futuris temporibus melius conservetur, manu propria subter eam decrevimus roborare decrevimus et de anulo nostro jussimus sigillare.
l.8 SIGNUM [monogramme] CAROLI GLORIOSISSIMI REGIS. [chrisme] VUIGBALDUS AD VICEM RADONIS RECOGNOVI ET S[UBSCRIPSI] [ruche] [Vuihbaldus ad vicem Radonis recognovi et subscripsi ordinante domno rege par ... virtum.] [sceau].
l.9 Data nonas novembris, anno nono decimo et tertio decimo regni nostri. Actum Vuarmasia palatio. In Dei nomine, feliciter.

ligne 4 : "vel aque" en addition interlinéaire.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 5, p. 749, n° 59.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 65-66, n° 85.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 31-34, n° 20.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 1, pl. 38 (fac-similé).