Pascal II, pape, confirme aux chanoines réguliers de Toussaints-en-l'Isle, de Châlons[-en-Champagne], la possession des autels de Villers[-aux-Corneilles] et de Matougues, d'une pêcherie et d'une dîme.

l.1 PASCHALIS, EPISCOPUS, SERVUS SERVORUM DEI, DILECTIS FILIIS OBERTO, ABBATI,
l.2 et ejus fratribus regulariter viventibus in ecclesia quȩ Omnium Sanctorum dicitur, in Insula Cataulonensi, salutem et apostolicam benedictionem.
l.3 In pastorum specula constituti, necesse habemus furibus ac latronibus obviare et secularium hominum presumptionem, qui
l.4 videlicet ecclesias et ecclesiarum res tamquam proprias vendicant, decreti nostri constitutione retundere. Quamobrem nos, tam vobis
l.5 quam successoribus vestris in regularis vitȩ observatione degentibus, altare de Villari, altare de Matusga quȩ de manibus
l.6 militum erepta sunt, juxta petitionem venerabilis fratris nostri Remensis episcopi confirmamus, interdicentes ut nulli omnino
l.7 seculari persone liceat eadem altaria quomodo libet usurpare aut ab ecclesiaȩ vestrȩ possessione sejungere.
l.8 Confirmamus enim vobis piscariam aquȩ quȩ vocatur Blesa subtus Fascinarias, decimam telonei, sicut vobis a Philippo bonȩ memoriȩ
l.9 Catalaunensi episcopo concesse sunt. Et quȩcumque vel in presenti legitime possidetis vel in futurum prestante Domino possessuri eritis,
l.10 quieta vobis et integra conserventur, eorum pro quorum sustentatione concessa sunt usibus profutura. Nemini ergo facul-
l.11-tas sit ecclesiam ipsam temere pertubare aut quecumque ipsius sunt vel fuerint quibuslibet occasionibus auferre. Si quis
l.12 autem, decreti hujus tenore cognito, temere contraire temptaverit, nisi Deo et ecclesie fratribus canonice monitus satisfecerit,
l.13 sciat se omnipotentis Dei et beati Petri apostolorum principis indignatione plectendum et mucrone Sancti Spiritus feriendum.
l.14 Quicumque vero ipsam ecclesiam et in ea Domino servientes fovere suisque rebus honorare curaverit, omnipotentis Dei et apostolorum
l.15 ejus gratiam consequatur. AMEN.
l.16 Datum Laterani, per manum Johannis sanctȩ Romanȩ ecclesiaȩ diaconi cardinalis ac bibliothecarii, IIII idus aprilis, indictione VIa, incarnationȩ dominicȩ anno MoCXIIII, pontificatus quoque domni Paschalis secundi pape anno XIIIIo.

à revoir : édition prochaine dans vol. supplémentaire au µPapsturkunden in Frankreich. Diözesen Reims und Châlons-en-Champagneµ, p... 1

JAFFE-LOEWENFELD, n° 6599.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 114, n° 131.