Amblard, archevêque de Lyon, donne à l'abbaye de Cluny divers biens situés en Auvergne, afin que les moines construisent une celle dédiée à Saint-Pierre à Nimsiaco.

l.1 IN NOMINE sanctae et individuȩ Trinitatis, Amblardus, Lugdunensis archiepiscopus. Humane cogitans fragilitatis casum, ac Deo juvante, videns facinora delicti terrena substantia posse redimi et aeterna tabernacula feliciter inde adipisci, ergo pro animȩ meae remedio
l.2 parentumque meorum omnium, concedo quasdam res meae adquisitionis, quas propria mea adquisivi substantia, Deo et sanctis apostolis beato Petro et Paulo Cluniacensis coenobii ; eo scilicet tenore quatinus monachi Cluniacensis loci, in Nimsiaco cellam
l.3 Deo dicatam sibi construerent in honore beati Petri principis apostolorum, sanctique Benedicti monachorum patris Deo militantes, et quod saepe mente bone voluntatis habui, Deo opitulante, in fine obitus mei libenter perfeci. Namque cernens
l.4 memet nullo modo posse evadere casum mortis dirȩ conditionis ante me breviare omnia jussi, quae tribuere cupiebam Deo meo conditori ac monachis beati Petri et Pauli Cluniacensis monasterii ; itaque jurejurando
l.5 precepi vadiatoribus meis pro Deo, pro omnibusque sanctis et per fidem quam mecum habebant, ut cartam meae elemosinariae integram et expressam facerent supradictis monachis, jamdictis apostolis beati Petri et Pauli
l.6 Cluniacensis ceonobii. Ideoque nos vadiatores, videlicet Andreas prepositus, Ornadus decanus, Gundramnus abbas, Hugo abbas, Augendus canonicus, Stephanus diaconus, Pontio canonicus, Hugo laicus sicut ipse senior noster
l.7 Amblardus, Lugdunensis archipresul jussit, facimus ejus vice Deo et sanctis ejus apostolis beato Petro et Paulo monachisque Cluniacensis aulae cartam de adquisitis substantiis. Quae res sunt sitae in pago
l.8 Arvernico, in agro Tiernense, in vicaria Doratense. In primo donat Nimsiacum villam, cum omnibus appenditiis suis, campis, pratis, vineis, silvis, pascuis, aquis decursibus, et quicquid ibi visus erat
l.9 habere usque inexquisitum, et villam Gevretam totam ad integram, sicut ipse possidebat, et Montem Brisonem similiter, sicut ipse tenebat, et Arlatiam villam similiter et Selviacum totum, sicut ipse habebat,
l.10 et in vicaria Lodosense, villam Ledracum cum omnibus appenditiis suis, sicut ipse possidebat, et Calomnam villam similiter quicquid ibi habebat, et Foliosam et quicquid ibi visus erat habere et Arnogolem totum
l.11 quod suum erat, et Spiriacum, et quicquid illic possidebat, et Runcavulpem similiter totum quod suum erat. In his omnibus locis quicquid visum erat habere, totum ad integrum, quaesitum et usque
l.12 inexquisitum, Deo et sanctis apostolis beato Petro et monachis Cluniacensis loci concedo. Siquidem caritati vestrae fraternitatis precatur, vos Dei oratores, ut inter vestris orationibus mereatur conscribi
l.13 ac vestris precibus particeps fieri, quoniam vos pre cȩteris vestris vicinis venerabiliter dilexit. Si quis vero, quod minime fieri credimus, huic nostrae elemosinariae aliquam calumniam inferre voluerit
l.14 aut temptare conatus fuerit, in Dei omnipotentis iram incurrat, omniumque sanctorum, archangelorum, angelorum, apostolorum, martyrum, confessorum, sanctarumque virginum, et sit particeps cum Juda
l.15 traditore, et anathematus et condemnatus sit et a bonorum omnium fidelium consortio ejectus, et cum Dathan et Abiron in ima profundi baratri expulsus. Qui contra hanc elemosinariam vim nequitiae
l.16 exercere voluerit, nec vendicet quod petit, sed sit alienatus ab clericorum omnium orationibus, monachorumque omnium, nec requies illi ȩterna veniat, nisi resipiscat, et se culpabilem
l.17 reddat, et deinceps haec elemosinaria firma et stabilis permaneat cum stipulatione subnixa. Signum Amblardi archiepiscopi, qui hanc elemosinariam suis vadiatoribus scribere et firmare
l.18 precepit. Signum Andreae prepositi. Signum Gontramni abbatis. Signum Ornadi decani. Signum Ugonis abbatis. Signum Stephani diaconi. Signum Augendi canonici. Signum Asterii sacerdotis. Signum Gotescalci canonici.
l.19 Signum Pontionis diaconi. Signum Sigibaldi diaconi. Signum Artaldi laici. Signum Haymini laici. Signum Hugonis. Signum Bodonis. Signum Hugonis.
l.20 Ego Landbertus, humilis clericus elemosinariae firmitatem in mense augusti, V idus ipsius mensis, in die veneris, datavi DCCCCLXXVIII Domini incarnationis, indictione VI, Lothario piissimo rege feliciter regnante in Frantia.
l.21 Actum Lugduni, in publico, coram populi multitudine.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 2, p. 503-504, n° 1450.

ATSMA (Hartmut) et VEZIN (Jean), Les plus anciens documents originaux de l'abbaye de Cluny, 3 vol., Turnhout, 1997-2002 (Monumenta paleographica medii aevi, series gallica), t. 2, p. 76-80, n° 45 (fac-similé, p. 78-80).