Benoît VII, pape, donne à l'abbaye de Cluny l'île de Lérins et le monastère d'Arluc, moyennant un cens annuel de cinq sous.

l.1 [croix] BENEDICTUS, EPISCOPUS, SERVUS SERVORUM DEI, dilectissimo in Christo filio Maiolo karissimo, abbati Cluniensis monasterii, tuisque successoribus in perpetuum. Quia monasterium Cluniense, quod
l.2 tu Deo propicio regulariter regis, sanctȩ Romanȩ ȩcclesiȩ novimus esse commissum ad defendendum et ad dilatandum, idcirco benivoli et benefici erga eundem locum debemus existere. Quapropter
l.3 notum sit omnibus quia petisti a nobis, ut jamdicto tuo monasterio insulam Lirinensem cum Arluco monasterio et omnibus pertinentibus ad eadem loca nostrȩ auctoritatis privilegio concederemus.
l.4 Siquidem, ut ex decretis beati Gregorii papȩ didicimus, eadem insula in jure et subjectione sanctȩ sedis apostolicȩ consistit. Petitionibus igitur tuis faventes et assensum prebentes, sub omni inte-
l.5-gritate donamus tibi atque successoribus tuis eandem insulam et idem monasterium Arlucum cum sibi pertinentibus, de quibus si quis te vel successores tuos injuste pulsaverit, gladio excomuni-
l.6-cationis noverit se feriendum. Volumus autem, ut annuatim ad sepulchrum beati Petri quinque solidos argenteos exinde persolvas. Et ut hȩc nostra auctoritas vigorem et soliditatem in perpe-
l.7-tuum obtineat, sigillo nostro signavimus et manu nostra firmavimus. Scriptum per manum Stephani notarii raegionarii archiscrinii sanctȩ Romanȩ ȩcclesiȩ in mense maio, indicione VI. [croix] BENE VALETE.
l.8 Datum X kalendas MAIIAS per manum Johannis episcopi Falaritane ȩcclesiȩ anno quarto pontificatus domni nostri Benedicti sanctissimi septimi papȩ imperante domno nostro Ottone a Deo coronato,
l.9 magno et pacifico imperatore, anno XI, in mense maio et indictione suprascripta SEXTA.

JAFFE-LOEWENFELD, n° 3796.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 2, p. 499-500, n° 1445.

ZIMMERMANN (Harald), Papsturkunden : 896-1046, Vienne : Osterreichischen Akademie der Wissenschaften, 1984-1989, 3 vol., t. 1, p. 490-492, n° 248.

ATSMA (Hartmut) et VEZIN (Jean), Les plus anciens documents originaux de l'abbaye de Cluny, 3 vol., Turnhout, 1997-2002 (Monumenta paleographica medii aevi, series gallica), t. 2, p. 68-71, n° 43 (fac-similé, p. 69-71).