Charles le Chauve, roi de France, rappelle les libéralités faites à l'abbaye Saint-Florent de Saumur, exempte de la taxe synodale les églises dépendantes et abandonne aux évêques de Poitiers et de Nantes divers biens en compensation.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. Cum regni nostri quietem quorumdam insidiis perturbatam ad nostrum germanum Ludovicum
l.2 defectionem meditantem componere tractaremus, quorundam etiam sanctorum loca vastata restaurare cuperemus, inter cetera orta est sepenumero
l.3 deplorata calamitas preclari et dilecti loci sanctissimi confessoris Christi Florentii, assistente nobis ejusdem loci venerabili abbate Radulfo. Nam cum
l.4 constet eundem locum a piȩ memoriae Karolo, avo nostro, preclaris edificiis et plurimus possessionibus nobilitatum ob innumera miracula jamdicti sancti
l.5 Florentii, a genitore quoque nostro Ludovico, cognomine et actu pio, monasticum ordinem inibi perfectius recuperatum et preceptis regalibus ab omni
l.6 publici juris exactione cum suis possessionibus absolutum atque roboratum, a rebelli nostro crudelissimo Nemenoio Brittone, nostri odii causa, incensus est
l.7 et plurimȩ ejus possessiones invasae. Licet ipse impius percussus ab eodem sancto multas pecunias ad restaurandum tribuerit, nos quoque illum persequentes
l.8 et nimium pro hac causa dolentes, eidem loco plura contulimus, scilicet abbatiam Sancti Johannis in pago Andegavensi et quosdam fiscos adjacentes quȩ
l.9 precepto regio designavimus atque tradidimus. Ad haec autem Dei instinctu addre cupientes, consentientibus, immo potius hortantibus, venerabilibus episcopis
l.10 Didone, Pictavensi, cujus presulatui subjacet pagus Medalgicus, in quo supradictus locus situs est simulque Teofalgicus. Actardo quoque, Namnetensis
l.11 ecclesiae prȩsule, omnes ecclesias quȩ suprafati loci esse videntur per eorum episcopatus cuncta sinodali exactione absolvimus. Et pro eo quod quȩdam
l.12 cum ipso loco vastate fuerant, hoc nostrae munificentiae compendium tribuimus, data ipsis episcopis vicissitudine quam postulaverant, ampliores
l.13 scilicet et liberas partes ipsarum civitatum, sicut designatum a nobis est, et ut comites ipsorum pagorum nichil pro comitatu suo vel nostro
l.14 reditu ex aliqua eorum diocesi, quam jure sibi vindicare videntur, exigere presumant : variae enim seditiones propterea fiebant.
l.15 Anatematizantibus ergo supradictis et ceteris presentibus episcopis, Amalrico Turonensis archiepiscopo, Bernardo Lemovicensi, Dodone
l.16 Andegavensi, Aynardo Petragoricensi, Auzberto Engolesinensi, atque hoc ipsum in carta subscribentibus, ne quis hoc decretum
l.17 per succedentia tempora violare presumat, nos quoque regio testamento atque auctoritate pro animae nostrȩ commodo et filiorum
l.18 ac regni a Deo nobis collati propagatione et pace in perpetuum stabilimus, tradimus atque confirmamus. Quod ut solidius atque firmius in Dei
l.19 nomine semper existat, manu nostra subter firmavimus et anulo nostro sigillari jussimus [croix].
l.19 Signum [monogramme] Karoli gloriosissimi regis.
l.20 Aeneas ad vicem Ludovici recognovit.
l.21 Data mense junio, VI idus ejusdem, anno VIII r[egni] Karoli gloriosissimi regis. Actum in loco qui dicitur Vetus Pictavis. In Dei nomine, feliciter. AMHN.