Louis le Pieux, empereur, à la demande de l'archevêque de Lyon Leidradus, concède au monastère de l'Ile-Barbe nouvellement restauré, l'immunité avec libre élection de l'abbé.

l.1 [chrisme] In nomine domini Dei et salvatoris nostri Jhesu Christi, Hludovicus, divina ordinante providentia imperator augustus. Si petitionibus servorum Dei pro quibuslibet ecclesiasticis necessitatibus aurem serenitatis nostrae libenter accommodamus, id nobis et ad mortalem vitam
l.2 temporaliter deducendam et ad aeternam feliciter obtinendam profuturum liquido credimus. Idcirco notum fore volumus cunctis fidelibus sanctae Dei ecclesiae et nostris praesentibus scilicet ac futuris, quia Leidradus, Lugdunensis ecclesiae praesul, retulit nobis qualiter, ob divinum amorem, monasterium quoddam, in loco qui vocatur Insula Barbata
l.3 situm, ac in veneratione sancti Martini antiquitus constructum, reaedificasset, et monachos ibidem secundum regulam sancti Benedicti, ad deserviendum Domino, unacum abbate eorum, Campione videlicet nomine, constituisset ; metuensque ne, futuris temporibus, ea quae, pro divino amore instituit,
l.4 a suis successoribus parvipendendo annullarentur, deprecatus est nostram sublimitatem ut, paternum morem servantes, nostrȩ imunitatatis praeceptum fieri censeremus, pro quod declaretur : quatinus nullus pontifex Lugdunensis ecclesiae amplius quam libram unam ex argento
l.5 a rectoribus supradicti monasterii, annis singulis, in censum requirere praesumat, nec mansionaticos, nec paratas, nec ullas redibiti[o]nes exigere temptaret ; ipsique fratres me[mo]ratum coenobium cum omnibus rebus ibidem pertinentibus et cum navibus ad eorum stipendia
l.6 deferenda, sine ulla divisione et diminoratione, perpetualiter teneant et possideant. Habeant etiam postetatem eligendi abbates ex eorum coenobio, et electos ante praesentiam ejusdem civitatis episcopi deducere, ut, ab eo benedictione accepta, congrega-
l.7-tionem sibi commissam regulariter gubernare studeant. Cujus petitionem libenter assensum praebuimus, et hoc nostrae auctoritatis praeceptum erga ipsum monasterium immunitatis atque tuitionis gratia pro divini cultus amore et anime nostrae ac successorum nsotrorum
l.8 remedio fieri decrevimus. Per quod praecipimus atque jubemus ut, sicut ab eodem Leidrado archiepiscopo hec res statuta vel ante praesentiam nostram dilata esse dinoscitur, ita deinceps a nobis et ab omnibus sanctae Dei ecclesiae fidelibus, seu etiam ab ipsis episcopis vel ab omni clero Lugdunensis ecclesiae, conservetur.
l.9 Quatinus episcopus, recepto memorato censu, nostram jussionem ac successorum nostrorum observet, et monachi ibidem Deo militantes episcopo suo, ut decet, humili devotione oboedientes existant, ac propositum suum Domino largiente, libere conservare valeant. Praecipientes etiam jubemus
l.10 ut nullus judex publicus, ad causas audiendas vel freda aut tributa exigenda, nec paratas, aut mansiones faciendas, aut fidejussores tollendos, aut homines ejusdem monasterii tam ingenuos quam servos distringendos, aut ullum censum vel ullam redibitionem exigendam
l.11 [sive ea quae supramemorata sunt exactari minime presumant. Ut haec auctoritas firmior habeatur, et a fidelibus sancte ecclesiae futuris temporibus diligentius conservetur, de anulo nostro subter jussimus sigillari].
l.12 Signum Hludovici [monogramme] imperatoris serenissimi.
l.13 [chrisme] Helisachar notarius recognovi et [subscripsi] [sceau].
l.14 Datum III idus novembris, anno scilicet incarnationis Christi DCCCXVI, indictione VIIII, et anno III, Christo propitio, imperii domni nostri Hludovici serenissimi augusti. Actum Aquisgrani palatio regio. In Dei nomine, feliciter. Amen.

CHARPIN-FEUGEROLLES (Comte de), Cartulaire de l'Ile-Barbe, t. 1, supplément, Montbrison, 1923, p. 220-221, n° 3.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/1, pl. 25 (fac-similé).