Pierre, cardinal de Santa Susanna et légat pontifical, confirme au monastère de Gorgone toutes ses possessions corses, en particulier celles des églises de Santa Reparata, Santa Maria del Capo, San Nicolao de Timino et Santa Lucia.

l.1 PETRUS, CARDINALIS ET LEGATUS ROMANE ECCLESIE, SIGISMUNDO DILECTO, ABBATI
l.2 Gorgonensis aecclesiȩ. Justitie et rationis ordo persuadet ut religione et secundum Deum viventes interposita nostra auctoritate
l.3 fulciantur et defendantur. Quapropter ego Petrus cardinalis et legatus Romanȩ ecclesiȩ de gratia domini pape presumentes
l.4 pie Gorgonensis abbatis petitioni caritatis intuitu condescendimus, quatinus fratres qui in illa insula, relicto seculo,
l.5 commorari nosscuntur, Deo devote sine aliqua molestia valeant deservire. Confirmamus itaque predicto monasterio
l.6 Gorgonensi, tam et auctoritate domini pape quam ex nostra, omnes ȩcclesia et terras, tam cultas quam et incultas, vineas, prata,
l.7 pascua, oliveta, silvas cum omnibus bonis suis, mobilibus et inmobilibus, que modo in insula Corsice habere noscuntur
l.8 vel in antea, Deo adjuvante, erunt habituri : scilicet Sanctam Reparatam, Sanctam Luciam, plebem Sanctȩ Mariȩ del Capo et Sanctum Ni-
l.9-cholaum de Timino, cum omnibus que ad easdem ȩcclesias videntur pertinere. Firmamus etiam ut quicumque laicus vel clericus spiritum
l.10 Dei afflatus ad obedientiam supradicti monasterii venire voluerit, licenter veniendi habeat potestatem. Similiter quicumque
l.11 in eorum aecclesiis se sepellire voluerint, habeat potestatem. Decimas autem quas modo habent vel quas in antea
l.12 juxte poterint acquirere in usu monasterii absque ulla contradictione retineantur. Precipimus itaque et precipiendo man-
l.13-damus ut nullus episcopus sive clericus, nullus marchio vel comes, nullus vicecomes, nullus castaldio, nullus miles,
l.14 nulla magna parvave persona contra hoc nostrum rescriptum venire audeat aliqua presumptione vel in aliquo ledere.
l.15 Quod si aliquis predictorum hoc infringere temptaverit, si clericus fuerit periculo sui officii subjacebit, si laicus
l.16 anathematis atque excommunicationis periculum sustinebit, quia et hoc idem sancte matris nostre Romanȩ e[c]clesiȩ scripta
l.17 confirmant et domini nostri pontifices Romani hoc idem tibi stabilire videntur. [colonne1] [croix] Ego Petrus sanctȩ Romanȩ ecclesiȩ cardinalis presbiter de titulo Sanctȩ Susannȩ et legatus manu mea subscripsi. [croix] Ego Petrus archiepiscopus Pisane ecclesiȩ manu mea subscripsi. [croix] Ego Baro subdiaconus Romane ecclesiȩ subscripsi. [croix] Ego Landolfus episcopus Alaeriensis manu mea subscripsi. [croix] Ego Tedaldus episcopus Maranensis manu mea subscripsi. [croix] Ego Guillelmus episcopus Nebiensis manu mea subscripsi. ([croix]) Ego Ugo archipresbiter Pisane ecclesie subscripsi. [croix] Ego Gerardus diaconus Pisane ecclesie subscripsi.

SCALFATI (S.S.P.), Les propriétés du monastère de la Gorgona en Corse (XIe et XIIe siècle), in Etudes corses, 8 (1977), p. 31-93, p. 69-70 (indication).

SCALFATI (Silio Petro Paulo), Carte dell'Archivio della Certosa di Calci, 2 vol., Rome, 1971-1977, t. 2, p. 78-80, n° 33.

WEISS (Stefan), Die Urkunden der päpstlichen Legaten von Leo IX. bis Coelestin III. (1049-1198), Cologne, 1995 (Forschungen zur Kaiser- und Papstgeschichte des Mittelalters. Beiträge zu J. F. Böhmer, Regesta Imperii, 13), p. 79-81, n° 8/2.