Bastia, AD Haute-Corse, 1 H 1 n° 3

<< < / > >>

Numéro4996

Fiabilité de l'actenon suspecté

Genrecharte

Date24/03/1113(fiabilité :édition)

Lieu[Pise](lat :in monasterio Sancti Viti, in suburbano [Pisarum])

DiocèsePise

RégionToscane

Supportparchemin

Chirographienon

Sceau non scellé

Etat de la traditionoriginal

AuteurHildebrand, évêque  de  MARIANA

BénéficiaireAbbaye  de  GORGONE

Regeste

Hildebrand, évêque de Mariana, donne au monastère de Gorgone l'église piévane de Santa Maria della Chiapella et l'église de San Sisto, moyennant une redevance annuelle de douze deniers.

Texte

l.1 [In] nomine domini nostri Jesu Christi. Anno
l.2 ab incarnatione ejus millesimo centesimo XIIII, indictione VI. Cartula perpetuȩ stabilitatis in memoria
l.3 [succe]dentium temporum et testimonio habitudinis et in defensione contrarie potestatis, edita in monasterio Sancti Viti, in suburbano
l.4 [Pisarum]. Sanctorum precibus et meritis suarum virtutum mundum consistere dubitabile esse non poterit. Qui divinitatis amore,
l.5 [carnis desi]deria derelinquunt et artis regulis sanctitatis animum instruunt, carnem domant, spiritum roborant, virtutibus corruscant ;
l.6 [qui fidem] quasi granum sinapis habentes, possibile eis est sola jussione montes in mare transferre. Talium est enim
l.7 [regnum celorum], qui contempserunt vitam mundi, et ab initio electi a Deo digni inventi sunt ; quorum memoria non delebitur in ȩternum.
l.8 De qualibus vero in cenobio Sancti Gorgonii conversari cognoscimus, et jam quosdam ex hac luce migrasse, qui incedentes in
l.9 omnibus mandatis Dei sine querela, escam paupertatis credunt mensam esse divitiarum. Igitur opere pretium est et salutare consilium
l.10 eos temporalibus bonis solaciari et piis eorum petitionibus clementer annuere, ut ulmus vitem sustentans in promisione
l.11 filiorum Israel inter cȩteras arbores conscribatur, videlicet quod minus boni propria actione agere non valemus, collatis beneficiis in
l.12 necessitate sanctorum et oblatis muneribus in sanctuario Dei delictorum nostrorum veniam consequi mereamur. Ergo ego Ildebrandus,
l.13 [gratia] Dei episcopus, presenti manu ac vice omnium successorum nostrorum canonica auctoritate, gratia predictȩ fidei, in monasterio
l.14 [Sancti Gorgo]nii, quod situm est in Gorgona insula marina, concedo et statuo perpetua datione plebem que dicitur Sancta Maria ad
l.15 [Capellam], cum una ecclesia sibi subposita, que sanctus Xistus a populo nominatur, cum omnibus que deinceps in eis juste permanserint acquisita, et que nunc proprio jure possidere videtur, tamen salvo honore episcopii Maranensis, ita enim ut conversantes in predicta ȩcclesia Sanctȩ Mariȩ
l.16 ab eodem Maranensi episcopio sanctum crisma suscipiant et alia carismata christianitatis, nisi ejusdem loci episcopus Romani pontificis fuerit
l.17 sententia condempnatus, sinodo obediant et per singulos annos XII denarios Luccenses pro hac concessione et memoria posessȩ rei
l.18 [per]solvant ; et taliter agant ut malum pro bono super nos non inducant, nec inrationabiliter aliorum bona auferant et acquirant ;
l.19 [sed quod] sponte sibi concedimus, libere ac secure possideant, videlicet hȩc : baptismum, crisma, oleum sanctum, cum reliquis officiis
l.20 [que] quisquam honestus plebanus debitus est habere : decimationes, primitias et ex omni judicio defunctorum ejusdem plebis, qui ab aliis
l.21 [re]guntur sacerdotibus, quarta pars eis pertineat, et de pertinentia totius episcopii medium judicium habeant eorum qui se ibi deferri
l.22 voluerint, et terras ac vineas totas si in judicio positum fuerit. Et hoc firmiter devetamus, ut nullus illorum ibi commorantium
l.23 alicui penitenti de aliquo crimine penitentiam injungere audeat, preter episcopi vel canonicorum datam licentiam ; nec clericum
l.24 absque episcopali licentia recipere quondoque presumant, nisi fuerit subita morte preventus, in qua monachatum suscipiat. Et si conditio
l.25 hujus privilegii, ut dictum est, custodita non fuerit, requisitone facta, infra XXX dies culpa rationabiliter emendetur ; sin autem in episcopali potestate XX libras tribuat qui peccaverit. Quicumque autem concessa beneficia quȩ hoc
l.26 [privi]legio declarantur, a cenobio Sancti Gorgonii furtim vel violenter subtraxerit totum vel partem, et nisi juxta voluntatem
l.27 abbatis ejusdem cenobii emendaverit, apostolica maledicitone et nostra omniumque fidelium excommunicatus et dampnatus permaneat, cum Nathan
l.28 et Abiron et Juda traditore et Pontio Pilato cruciatus in perpetuum gemat. Maledicant eum angeli, archangeli
l.29 et omnes virtutes cȩlorum et omnes sancti et electi Dei, qui in terris vivunt et regnant in cȩlis. Amen.
l.30 ([croix]) Signum manus domini marchionis Ugonis, qui hanc cartulam presens consensit et firmari precepit.

Bibliographie

SCALFATI (S.S.P.), Les propriétés du monastère de la Gorgona en Corse (XIe et XIIe siècle), in Etudes corses, 8 (1977), p. 31-93, p. 67-68 (indication).

SCALFATI (Silio Petro Paulo), Carte dell'Archivio della Certosa di Calci, 2 vol., Rome, 1971-1977, t. 2, p. 52-55, n° 22.

Responsable

M.-J. Gasse

Comment citer cette notice

Acte n°4996 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4996»[En ligne] http://www.cn-telma.fr/originaux/charte4996/. Date de mise à jour : 29/03/12.