Hildebrand, évêque de Mariana, donne au monastère de Gorgone l'église San Nicolao de Timino.

l.1 [...] quia virtutibus assidue invigilare debemus, sequitur ut misericordia [...] fratribus prebeamus et earum quantum possumus necessitatibus subveniamus. Unde ego Ildibrandus, [... Mara]nensis episcopus, tali ratione compulsus, ad subsidium fratrum in insula Gorgona Deo militantium et propter religi[...] ex auctoritate sedis apostolice et nostra pro remedio anime mee et predecessorum meorum offero, cedo et trado tibi Deo omnipotenti et ecclesie monasterii Sancti Gorgonii sito in suprascripta insula Gorgona ut ab hac ora in antea sit in potestate et sub regimine donni Placidi abbatis vestrorumque successorum ejusdem monasterii videlicet unam ecclesiam Sancti Nicholaii de Timino, positam in Capo Corsi, cum omni sua pertinentia vobis ut dictum est cedo et trado. Insuper ex nostra episcopali auctoritate damus licentiam omnibus viris et mulieribus in nostro episcopatu habitantibus et potestatem judicandi pro anima sua suprascripto monasterio Sancti Gorgonii suas terras et vineas et res immobiles in totum vel pro parte sicut eis placuerit. Predicta ecclesia ad ordinandum et regendum canonice vel monastice secundum vestrum libitum sub vestra potestate et providendia et cura vobis ut dictum est concedimus et tradimus, cum omni jure et pertinentiis suis ; haec omnia qualiter supra legitur tibi Deo omnipotenti et prememorato monasterio Sancti Gorgonii offero, cedo et trado, ut in vestra qui super donni Placidi abbatis vestrique successorum sint providentia et potestate, ad ordinandum et gubernandum et regendum canonice vel monastice secundum Deum ad sustentamentum fratrum suprascripti monasterii Sancti Gorgonii et religionis augmentum imperpetuum. Et insuper volumus et firmamus atque precipimus ut nulla persona magna vel parva hanc nostram concessionem et traditionem mutare vel removere in aliquo audeat. Si vero aliqua persona, quod absit, aliquando hoc temptare ausus fuerit [...] infringere vel evacuare quesierit per quolibet ingenium, sit maledictus a Deo patre omnipotente et filio ejus domino nostro Jesu Christo et Spiritu Sancto et a beata virgine genitrice Dei sancta Maria et beato Petro principe apostolorum Dei et omnibus sanctis sitque anathema maranatha, id est segregatus a consortio justorum in die judicii et dampnatus cum Juda traditore nisi resipuerit et emendaverit. Quia in tali ordine hanc cartulam Falconem judicem et notarium sacri palatii scribere rogavi. Infra claustra monasterii sancti Viti, prope civitatem Pisanam. Anno domini nostri Jesu Christi secundum carnem millesimo centessimo sexto X, tertio kalendas decembris, indictione nona. [croix] Ego Ildibrandus Dei gratia ecclesie Maranensis episcopus in ac cartula propria manu scripsi, dedi atque confirmavi. [croix] Signum manus domini marchionis Ugonis, qui hanc cartulam presens consensit et firmari precepit. Signum Vuidonis filius item Guidonis et Raimundus Andree, Sicheri Guidonis, Gerardi Stephani, Alberti Guidonis, Gerardi Bruni, Martini [...] qui interfuerunt rogati testes. Ego presbiter Rusticus atque canonicus ecclesie Sancte Marie de Marana subscripsi. [...] Johannis canonicus et presbiter Sancti Partei subscripsi. [croix] Ego frater Baldinus diaconus et monacus predicti monasterii Sancti Gorgonii hanc [con]cessionem et traditionem suscepi unacum domino Johanne presbitero et Uberto fratribus nostris monachis a prefato episcopo per licentiam et auctoritatem donni Rolandi episcopi Populoniensis et legati sancte Romane ecclesie. In concilio celebrato in ecclesia Sancte Marie Maranensis episcopatus. Ego Falco judex et notarius sacri palatii post traditam complevi et dedi. Exemplar cartule quam fecit Falco judex et notarius sacri palatii.

SCALFATI (S.S.P.), Les propriétés du monastère de la Gorgona en Corse (XIe et XIIe siècle), in Etudes corses, 8 (1977), p. 31-93, p. 68 (indication).

SCALFATI (Silio Petro Paulo), Carte dell'Archivio della Certosa di Calci, 2 vol., Rome, 1971-1977, t. 2, p. 68-73, n° 29.