Bernard Raimond de Domneuve et sa femme Gondeberga donnent à l'abbaye de La Grasse un manse dans la villa de Domneuve et d'autres biens.

l.1 In nomine Domini. Ego Bernardus Raimu[ndi] de Domnova et uxor mea nomine Gonberga donamus et relinquimus in presenti domino Deo et Sancte Marie Crasse et domno abbati Rotberto et monachis ipsius loci presentibus et futuris unum mansum, quem quidam homo nomine Bernardus Salvagi, tenet per nos in pignus. Et est istum mansum in villa de Domnova, quem donamus ad Sanctam Mariam Crassam ad alodem cum unam terram que est in loco qui vocatur Ad Costam Eigbran, totum quem nos habemus vel abere debemus aud ullus homo aud femina per nos. Et similiter ego suprascriptus Bernardus Raimundi dono et relinquo post mortem meam unum ortum ad Sanctam Mariam Crassam ad alodem, quem supradictus Bernardus Salvagi tenet in pignus per me, totum ab integro quantum ego habeo vel abere debeo aud ullus homo vel femina per me. Et hoc totum facio propter amorem Dei et propter remedium anime mee vel parentum meorum. Facta karta donacionis hujus VIII kalendas juni, anno ab incarnatione Domini millesimo CoVIIIo, regnante Philipo rege. Sign[croix]um Bernardi Raimundi, qui istam kartam scribere jussit et testes firmare rogavit. Sign[croix]um Gonberga uxor ejus. Sign[croix]um Villelmi Raimundi fratri sui. Sig[croix]num Petri Raimundi de Domnova. Sig[croix]num Bernardi capellani Sancti Michaelis. Berengerius monachus scripsit die et anno quo supra [ruche].