Charles, comte de Flandre, confirme à l'abbaye Saint-Vaast d'Arras une maison de pierre qui lui avait été donnée par Marie, veuve de Dodon de Hastis, et qui lui était contestée par l'abbaye d'Anchin.

l.1 IN NOMINE SANCTE ET INDIVIDUE TRINITATIS PATRIS ET FILII ET SPIRITUS SANCTI. Karolus comes [Flandr]iȩ et filius regis Datiae, Henri-
l.2-co reverendo abbati ȩcclesiȩ beati Vedasti Atrebatensis et sibi commissis fratribus eorumque successoribus in perpetuum. Sicut vestris orationibus ȩterna
l.3 bona adipisci desideramus, sic nos vobis temporalia bona dare et data conservare secundum a Deo datam nobis potestatem debemus. Hujus rationis consi-
l.4-deratione quoddam vestrum utile nostra industria, nostri honoris tempore, decrevimus presenti scripto et nostri sigilli impressione vobis in perpetuum confirmare,
l.5 et confirmatum ad successores nostros et vestros transmittere, ut ramum boni operis quem plantavimus nostra sagacitate, perpetualiter inconvulsum reddamus nostra
l.6 auctoritate. Noverint ergo moderni et futuri quod quȩdam femina de Atrebato civitate mea quȩ fuit uxor Dodonis de Hastis nomine Maria, dedit
l.7 tibi reverende abbas Henrice tuȩque ȩcclesiȩ mansionem suam lapideam cum suis appenditiis, dedit inquam legaliter et libere presentibus scabinis.
l.8 Postea vero tacta instabilitate humanȩ naturȩ quod non debuit, concessit eandem mansionem ȩcclesiȩ Aquicinensi quod non potuit, tum quia illam tibi
l.9 prius legaliter dederat, tum quia absque tuo assensu quoniam fundus terrȩ ejusdem mansionis tuus est, dare non poterat. Ex hoc ergo controversia inter te
l.10 et abbatem Aquicinensem oborta, te quidem pro primo legali dono mansionem clamante, illo autem pro secundo illicito illam usurpante, tandem querela
l.11 ad presentiȩ meȩ justitiam est delata. Ubi cum pariter convenissetis die denominata, abbas Aquicinensis recusavit subire super hoc justiciam meam
l.12 cujus est ipsa civitas, et judicium scabinorum quorum judicio semper disponitur tota eadem civitas in consimili causa. Quoniam ergo primum tuum le-
l.13-gale donum, ejus secundo enervari nec debuit nec potuit, et quoniam illorum justitiam et judicium recusavit, quorum procul dubio subire debuit, idcirco eadem mansio illi est
l.14 abjudicata et tibi et ȩcclesiȩ tuȩ adjudicata, et ideo tibi tuisque successoribus eam perpetualiter concedimus, et nostro signaculo cum presenti scripto confir-
l.15-mamus, et nomina hominum nostrorum qui huic causȩ interfuerunt pro irrefragabili testimonio annotamus. Robertus advocatus, Balduinus Mielet, Theodoricus
l.16 de Ablein, Balduinus castellanus, Alelmus et Nicholaus frater ejus, Eustachius Becchez, Gerbodo de Gaverella, Guido de Rispelli, Gerardus de Castello, Tetboldus de Vitri, Hato Revelsaz.
l.17 CLERICI: Balduinus capellanus, Drogo archidiaconus, Hugo filius Balduini, Guibertus grammaticus, Hugo de Goria, Desiderius. Hi sunt testes qui interfuerunt veritati
l.18 quam cognoverunt scabini, presente comite Karolo, de domo Mariae de Hanstes. Scabini: Ermenfridus, Gerricus, Gerardus, Bernardus, Gualcherus.
l.19 [sceau].