Eudes, fils de Gautier de Dormans avait donné à l'abbaye Saint-Jean-des-Vignes de Soissons les autels de Soilly et Trélou avec d'autres biens ; Philippe I^er avait confirmé cette donation et apposé son sceau. La mère d'Eudes, sa sœur et l'échanson Odoardus s'emparèrent de ces biens. Après intervention de l'évêque Lisiard et de la comtesse Adèle, ils durent restituer l'autel et la dîme à l'abbaye, mais reçurent à titre viager, deux champs et un pré.

l.1 IN NOMINE PATRIS ET FILII ET SPIRITUS SANCTI, AMEN.
l.2 In pace quam reliquit ecclesiȩ suȩ Christus qui et ipse sua pax est in amore Dei et Christi ejus quȩ est vere religio
l.3 christiana confoveri animas et convalescere compertum habemus. Unde et apostolus : Ut quietam et tranquillam vitam
l.4 in omni sanctitate agere possimus orare nos ammonet pro statu vitȩ humanȩ. Ad quod plurimum prodesse non incog-
l.5-nitum habemus causas bene dispositas ad cognitionem tam presentium quam post futurorum etiam scripto transmittere. Sic
l.6 enim novitatum presumptio et alienarum injuriosa rerum invasio conquiescit, rationabili veritate producta in lucem.
l.7 Unde notum fieri curavimus quod et ratione qua potuimus compositum est ad pacem et in instrumentis predecessorum
l.8 nostrorum relegimus, ODONEM filium domni Walteri Duromandensis redditis altaribus de Soylliaco et de Tres Lorhz
l.9 in manu domni Hugonis bonȩ memoriȩ Suessionensis episcopi inpetravisse ab eodem, adnitentibus personis Suessonicȩ
l.10 matris ȩcclesiȩ quorum etiam aliqui hodie superstites sunt, ut contraderet ea ȩcclesiȩ Sancti Johannis in Monte ad subsidium
l.11 fratrum inibi religiose viventium quia, ut ibidem repperimus, omnibus fratribus et dominis nostris volentibus, ȩcclesiam beati Johannis
l.12 gratia sua unam fecerunt ecclesiam, unam constituerunt rem publicam, unam sancxerunt familiam. Exinde quic-
l.13-quid ex redditibus predictorum altarium idem Odo suscepit, ex patrocinio et beneficio prefatȩ ȩcclesiȩ Sancti Johannis
l.14 usus fuisse dinoscitur quemadmodum et parte redituum de altari de Sancto Ameno usus est, cum tamen predic-
l.15-ta ȩcclesia itidem possidens et tenens ejusdem altaris esset. Quod altare ex beneficio domni Hugonis de Castello
l.16 sicut et altare de Carliaco et de Monte Livonis et multa alia quibus predictam ecclesiam instituit per manum domni Theo-
l.17-baldi episcopi descendisse et eidem ȩcclesiȩ concessum et adsignatum et Philippi etiam tunc temporis regnantis auctoritate
l.18 et sigillo firmatum conpertum habemus. Nunc vero quia numquam avara et audax presumptio contenta suis terminis est et ex bonis
l.19 initiis plerumque mala ducunt exordium pro eo quod prefatus Odo reditibus predictorum usus est altarium modo quo diximus, ipso de-
l.20-cedente mater ejus et soror et maritus neptis ipsius Odardus pincerna quasi ex jure hereditatis sibi competerent, altaria et terras
l.21 appendices invaserunt. Sed temere cepta per Dei gratiam facile compressa sunt, precipue adnitente donno Lisiardo episcopo et venerabi-
l.22-li Adela comitissa hoc modo. Ecclesia predicta Sancti Johannis ex auctoritate prefati episcopi ut sua propria pretaxata vendicavit altaria. Sed conside-
l.23-ratione pietatis et humanitatis ob recordationem defuncti cujus beneficio utebatur mota super matre ejus superstite duos campos et unum pratum
l.24 qui sunt apud sanctum Anienum, de eodem altari diviserunt eidem matri fratres ȩcclesiȩ Sancti Johannis, ut coleret eos in vita sua, ipsa et filia ejus, et filia
l.25 filiȩ suȩ uxor Odardi, decimam vero altari remitterent et post decessum earum sicut terrȩ altari sacratȩ ad idem altare redirent. De re-
l.26-liquis vero omnibus que predictorum sunt altarium nec etiam in cultura agrorum attingere presumerent, eo quod preteritarum vexatio injuriarum debet
l.27 esse cautela futurorum. Actum est Castello Theoderici et ex utraque parte voluntarie concessum intuitu pietatis causa defuncti et matris ipsius
l.28 senis et infirmȩ, presente ipso Odoardo pincerna et idem annuente, actum inquam sub presentia domni LISIARDI episcopi et
l.29 ADELȨ venerabilis comitissȩ et domno Walchero qui in hereditatem predicti HUGONIS de Castello successerat
l.30 et eisdem laudantibus magis ex intuitu pietatis ut diximus, quam ex justicia quȩ excludit omnem laicam manum tam a possessione
l.31 ecclesiastica quam a successione in eisdem ecclesiasticis rebus hȩreditaria. Testes hujus actionis adfuerunt: Johannes capellanus, Got-
l.32-fridus thesaurarius, Radulfus abbas de Solmis, Anselmus, Rainardus decanus, Albricus decanus, Nicholaus canonicus
l.33 Sancti Gervasii, Ingelbertus, Galterus, Ursio, Johannes frater ejusdem Odonis. Hi milites :
l.34 Herbertus de Stampis, Gaufridus de Mesiaco, Josbertus Duromandensis, Theoldus de Monte Sancti Petri, Hugo filius Rotberti, Petrus, Isem-
l.35-bardus prepositus. Signum Adelȩ comitissȩ. Actum est anno incarnationis dominicȩ MCXVIIII, regnante Lu-
l.36-dovico anno finiente XII, pontificatus Lisiardi episcopi XI, epacta VII, concurrente II, indictione XII.
l.37 Signum domni Walcheri [croix]. Signum Walcheri filii ejus [croix]. Signum Eustachie filie ejus [croix]. Signum Helie filii ejus [croix]. Signum Elisabeth uxoris domini Walcheri [croix].

1