Arras, AD Pas-de-Calais, 4 H 2

<< < / > >>

Numéro494

Fiabilité de l'actenon suspecté

Genrecharte

Date15/10/1119(fiabilité :texte)

Lieunon identifié

DiocèseArras

RégionNord/Pas-de-Calais

Supportparchemin

Chirographienon

Sceau sceau pendant perdu

Etat de la traditionoriginal

Hauteur à gauche725   mm

Hauteur à droite736   mm

Largeur en haut562   mm

Largeur en bas565   mm

AuteurRobert, évêque d'ARRAS

BénéficiaireAbbaye d'ETRUN

Regeste

Robert, évêque d'Arras, à la prière de l'abbesse Béatrice, confirme les autels, les possessions, les privilèges de l'abbaye d'Etrun et définit les conditions du recrutement des prêtres.

Texte

l.1 IN NOMINE PATRIS, ET FILII, ET SPIRITUS SANCTI, UNIUS VERI AC SUMMI DEI. AMEN.
l.2 Cum inter cetera preceptorum christiane religionis summopere commendetur ramus uterque caritatis, Dei videlicet amor et proximi, nisi proximum erigamus, jumento salutis circumferamus ad
l.3 exemplum illius Samaritani, non promerebimur gratiam hujus sancte dilectionis. Merito siquidem caritas debet amplecti, quam divina providentia tantopere commendare studuit. Hec
l.4 nanque per legem, per prophetas, mundo prius innotuit, quam ut altius Dei filius commendaret, in tempore gratie visibilis apparens in sole tabernaculum suum posuit. Et quoniam cari-
l.5-tas loquitur, omni petenti te da, et viscera caritatis semper carent inopia, nos oportet elaborare petentibus hilariter amministrare, prout ratio dictabit et equitas. Quare ego
l.6 ROBERTUS, Dei miseratione Atrebatensis episcopus, sepe et multum imploratus, satisfacere volui dulcissimis precibus domne Beatricis venerabilis abbatisse Strumensis cenobii
l.7 de titulo sancte Marie Magdalene ceterarumque sororum ejusdem ecclesie, ut altaria et alia bona liberaliter possidenda predicte congregationi firmaremus. Unde cum fidelibus nostris com-
l.8-municato consilio, tibi karissima soror et filia abbatissa Beatrix, tibi ecclesieque tue beneficia subicienda auctoritate Dei et nostra in perpetuum confirmamus possidenda, scilicet quod altare
l.9 loci illius qui Strumus appellatur cum atrio et decima ad idem altare pertinente usui sanctimonialium inibi Deo famulantium sine persona sine redemptione atque omni exactione conce-
l.10-do liberum, et altare de Harmarvilla, et altare de Noristel, et altare de Haluth. Adicimus etiam, ut et vestra vestrarumque succedentium abbatissarum providentia, idoneos presbiteros
l.11 Atrebatensi episcopo presentet cui professionem de honestate vite eorum et castimonia, sicut canonicum est faciant, atque obedientiam promittant, ac deinde curam de manu episcopi in predictis ec-
l.12-clesiis in populo Dei gerendam gratis accipiant. Abbatissa autem Strumensis cenobii, vos videlicet karissima in Christo soror Beatrix et succedentes vestre abbatisse, Atrebatensi synodo interesse non negligant,
l.13 nisi cum benivolentia et licentia episcopi relaxate fuerint, aut archydiaconi ejus, si vices pontificis exequendo, synodum tenuerit. Presbiteri vero Atrebatensi synodo semper intersint et redditus synodales et cathe-
l.14-draticas consuetudines benigne et hilariter persolvere studeant. Locum etiam in quo eedem sanctimoniales habitant qui dicitur Parvum Castellare cum terra inter eundem montem et alveum aque jacente, terram
l.15 etiam que ultra fluvium est Altivileir nominatam, terram quoque que Geroldisart dicitur et terram que infra magnos montes est et aliam terram sex modiorum quam abbatissa incultam repperit, et ipsa cultam et ferti-
l.16-lem reddidit et totam terram quam Segardus tenuit cum uno curtili, eisdem perpetualiter tradidi possidendum. Quo exemplo plurimi fideles accensi, et ipsi eidem loco plurima contulerunt. Engelardus
l.17 et uxor ejus Cecilia dederunt pro animabus suis terram quam habebant apud Foscherias, sed et aliam terram arabilem, et curtilia in villa Successi. Geraldus quoque Paganellus dedit ibi terram arabilem et tria curtilia
l.18 in villa Juvenci. Abbo Gafarz, terram arabilem et curtilia in Frevin, et vivarium de Longuez. Soror autem ejus Gualburgis, terram arabilem et unum curtile in Henincurt. Ermuera de Atrebato dedit terram ara-
l.19-bilem et curtilia in Anzeng. Elbertus de Bitunia et uxor ejus dederunt unum curtile apud Iser, Alelmus et Hato unum curtile desuper Sculfolt. Item apud Atrebatum de abbate Sancti Vedasti duas sedes cambarum tenent
l.20 ecclesie sanctimoniales ab omni exactione perpetualiter liberas. Item de abbate de Monte Sancti Eligii unius molendini sedem singulis annis in denariis XII tenent. Miles etiam quidam Alelmus et Ogiva uxor ejus
l.21 apud Balliul terram duorum modiorum dederunt, et in Atrebata cambam unam, et apud Bailuis sex curtilia et terram duodecim sextariorum. Defuncto vero Alelmo dedit Ogiva et filii ejus et filie, alodium quod habebant
l.22 in Belcamp, Hato de Usgi alodium quod in eadem villa habebat similiter dedit, in Nigella et in Foscherias Hermarus de Harmarvilla et Benzela uxor ejus suum alodium dederunt. Petrus vero de Suces
l.23 nonam partem de Juvenci et de Nigella dedit. Hildeburgis filia Guenemari de Bavelainicurt terram arabilem et tria curtilia in Roveroith et quatuor curtilia in Montegni, et terram viginti octo sextariorum dedit.
l.24 Milo de Haines alodium quod habebat in Illies et in Juvenci dedit. Apud Floricurt Robertus Bonavita et Ogiva et Ermuera et Teoboldus alodium suum dederunt, et in eadem villa Hadeguidis de Hasluis filii ejus
l.25 et filie alodium suum dederunt. Hugo de Govio et uxor ejus Berta suam partem in vivario et in molendino et unum hospitem in eadem villa dederunt. Item Berta et soror ejus Ermentrudis terram arabilem que duos solidos reddit,
l.26 Hugo de Montenoiscurt et filii sui suum alodium quod habebant in Guanchentin dederunt. In villa Manin Adelidis quartam partem ville et in terris et in silvis dedit. Tenent vero in Aista duo curtilia et in Atre-
l.27-bata cambas septem et hospites octo. In Hinnino super Coiol terram unius modii liberam. In Noerol, Hugo et Elisabet tertiam partem alodii sui dederunt. Apud Guarluis terram arabilem et V curtilia tenent. In Iriviler, et in Poteria
l.28 et in Fesceu, Gotrannus de Sancto Paulo et Eremburgis uxor ejus alodium quod habebant dederunt. Apud Flers, Riculfus de Coreries, unum curtile dedit. Alelmus de Atrebata, et ipse dedit totam partem terre sue et nemoris, et to-
l.29-tam partem fratris sui Gerardi in Manincurt, et Alci et Antin. Comitissa Clementia apud Dischemue terram dedit que per singulos annos C solidos reddit, et apud Formelas partem alodii sui. In Perenciis, Eustachius decimam dedit. Ut autem hujus
l.30 nostre constitutionis scriptum stabile et inconvulsum permaneat, fideles testes fratres nostros annotare procuravimus. Signum Drogonis Atrebatensis archydiaconi. Signum Roberti Ostrevandensis archydiaconi. Signum Odonis prepositi. Signum Anastasii cantoris. Signum Balduini
l.31 Ebrulfi sacerdotum. Signum clericorum capelle episcopi Guenemari sacerdotis, Guiberti diaconi. Ego Robertus, Dei miseratione Atrebatensis episcopus, hoc libertatis donativum relegi, subscripsi et in nomine Patris, et Filii,
l.32 et Spiritus Sancti propria manu confirmavi. [croix] Actum anno Dei Christi MoCoXIX, indictione XIII, idus octobris, anno pontificatus domni Roberti Atrebatensis episcopi Vo.

Notes

1

Bibliographie

TOCK (Benoît-Michel), Les chartes des évêques d'Arras : 1093-1203, Paris : Comité des Travaux Historiques et Scientifiques, 1991, (Collection de documents inédits sur l'histoire de France. Section d'histoire médiévale et de philologie; 20), p. 42-44, n° 29.

TOCK (Benoît-Michel), COURTOIS (Michèle), GASSE-GRANDJEAN (Marie-José), La diplomatique française du Haut Moyen Age. Inventaire des chartes originales antérieures à 1121 conservées en France, 2 vol., Brepols, 2001 (Artem), t. 1, p. 92-98, n° 10 (fac-similé, traduction, étude).

Responsable

M.-J. Gasse

Comment citer cette notice

Acte n°494 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°494»[En ligne] http://www.cn-telma.fr/originaux/charte494/. Date de mise à jour : 04/03/15.