Philippe I^er, roi de France, confirme la donation de l'église Sainte-Savine de Troyes, faite par Thibaud, comte de Troyes, au monastère de Montier-la-Celle.

l.1 In nomine sanctȩ et individue Trinitatis, ego Philippus, gratia Dei Francorum rex. Cum in exhibitione temporalium
l.2 rerum, quas humana religio, divino cultui famulando, locis sanctorum et congregationibus fidelium devotione animi
l.3 largitur, tam presentis quam perpetuȩ vitȩ, ut jampridem multis expertum est inditiis, solatium adquiratur,
l.4 saluberrimus valde et omnibus imitabilis hic fructus primitivȩ virtutis, videlicet karitatis, per quem et mundi
l.5 prosperatur tranquillitas et felici remuneratione ȩterna succedit felicitas. Noverit ergo et presens /06 status et posteritas sanctȩ matris ȩcclesiȩ filiorum, nostrorum quoque primatum et omnium sub nostro regimine degen-
l.7-tium, quod quidam abbas, Bernardus nomine, nostrȩ serenitatis adierit presentiam, rogans et obnixe postulans ut
l.8 donum, quod comes Trecassinȩ civitatis, Tetbaudus nomine, pro salute animȩ suȩ suorumque antecessorum et filiorum suorum
l.9 monasterio Beati Petri Cellensis cognominati, cui ipse predictus abbas tunc temporis preerat, ȩternaliter tri-
l.10-buerat, scilicet ȩcclesiam Sanctȩ Savinȩ virginis, non longe a suburbio predictȩ civitatis sitam, laudassem atque
l.11 comcessissem. Cujus peticionibus, consilio Richerii, Senonicȩ ȩcclesiȩ metropolitani, cȩterorumque presulum atque fide-
l.12-lium nostrorum, quorum nomina subscripta esse videntur, benigne annuimus et hoc privilegium sigilli nostri
l.13 inpressione adsignari precepimus. Actum publice in Senonico palatio, anno incarnati Verbi millesimo LXXmo et I,
l.14 VII kalendas mai, indictione VIIII, regnante Philippo rege anno XII.
l.15 SIGNUM [monogramme] REGIS. [colonne1] Signum Richerii, archiepiscopi. Signum Hugonis, Trecensis episcopi. Signum Gualterii, Meldensis episcopi. Signum Gausfredi, Parisiacensis episcopi. Signum Arraldi, Carnotensis episcopi. [colonne2] Signum Rainerii, Aurelianensis episcopi. Signum Gausfredi, Autissioderensis episcopi. Signum Hugonis, Lingonensis episcopi [sceau].
l.16 EGO PETRUS CANCELLARIUS SCRIPSI ET SUBSCRIPSI [croix].

D'ARBOIS DE JUBAINVILLE (Henri), Histoire des ducs et des comtes de Champagne, Paris, 1861, t. 1, p. 488, n° 50.

LALORE (Charles), Cartulaire de Montier-la-Celle, Troyes, 1882, p. 191, n° 186.

PROU (M.), Recueil des actes de Philippe I^er, roi de France (1059-1108), Paris, 1908 (Chartes et diplômes relatifs à l'Histoire de France), p. 151-152, n° 57.